الموضة وخدنا ع فين؟؟؟؟؟

ميدو :هى الموضة السنة دى ايه فى قصات الشعر
هيما :الموضة السنة دى انك تتطول شعرك وبعد كده تكهرب نفسك عشان يوقف
ميدو :مش انا كده ممكن اموت يا هيما
هيما :يا عم تمووت ايه بس ده فى ناااس كتير جربتها ولسه عايشه المهم انك تبقى روش والبنات تجرى وراك وتموت نفسها عليك هو الواحد منا عايز ايه غير كده
ميدو :انت شايف كده
هيما :انا شايف كده وكده وفى جميع الاتجاهات ....

ده نموذج من الحورات اللى بدور اليومين دوووول بين الشباب هى قصة الشعر ايه السنه دى والبنطلونات استايلها ايه والتى شيرت ........الخ

ونفس الكلام بالنسبه للبنات مش بتختلف كتير طبعا انا مش ضد الموضة ولكن فى حاجات طلعة اليومين دول مش متماشيه مع عاداتنا ولا تقالدنا ولا مع تربيتنا ولا ملامحنا الشرقيه ولو جيت تنصح حد يبصلك بصه ع انك متخلف ومش فاهم الموضة ومش استايل .

حناخد نموذج الجامعة مثلا دلوقتى مبقتش جامعة الولد بيبقى جى عامل فى نفسه حاجات غريبة جدا موقف شعره ومجلجله وسبايكى وحاجات غريبة جدا لدرجة ان احنا بنطلق ع النموذج ده لقب (سوسن)لانه ما يستهلش انه يبقى راااجل

البنات اسخم واسخم لبس ما يعلم بيه الا ربنا الوان فقعه فى عز النهار والترتر مالى الطرحة بنات بتلبس لبس مش ماااشى لا مع سنها ولا مع حجمها ميك اب اوووووووفر يعنى مش رايحه جامعه من الاخر

مش معنى كده ان انت تبقى مبهدل ولا معفن فى لبسك بالعكس البس ع الموضة بس البس اللى ينسبك وفى وقته وبلاش التقليد الاعمى اللى احنا ماشين ورا من غير ما انا فكر احنا بنعمل ايه ده ربنا عرفوه بالعقل وعقلك فى راسك تعرف خلاصك ...

الولاد بجد بقو مستفزين جدا
طيب البنت ومن طبعها انها تحب تهتم بمظهرها زياده عن اللزوم لكن الولاد ليه كده بجد حرام عليهم اوى استيلات زباله وبنطلونات غريبة والله بنضحك عليهم قد كده وخلاص الشخصية دى مهزقة طبعا ومش فى اى حد بيحترمها تانى اصلا
اعتقد يا ميرو ان العيب عند الاهل هما الى بيدو الفوس لاولادهم وبناتهم علشان يشترو الحجات دى سواء ميكب او لبس
لازم يكون فى رقابه اكتر من كده
بس والله انا متفأله وشايفه ان فى منهم رجاله اوى وبنات بمية راجل وكتير وبيعرفو ربنا كويس وحاسه ان حتى الى بيفكرو تفكير تافه بكره يكبرو وينضجو ويتحملو مسؤليه وينصلح حالهم وربنا يهديهم يا رب ويهدينا جميعا
ويلا نبدأ بنفسنا خلى ده شعارنا دايما

مرسى ميرو على الموضوع

توبيك هااااااايل
بس كلة كوم والبنطلونات الواقعة دي كوم تاني خااااااالص
والمصيبة ان الاول الاولاد هما للي كانوا بيعملوا كدة في الاول
لكن دلوقتي البنات هما كمان بيعملوا البانطلونات كدة
بس زي ما في الكويس في الوحش
وبجد عمر البنت ما هتعجب بولد عامل الحاجات الغريبة دي في نفسة
والولد اخرة يقضي يومين بالبنات للي منظرها اوووووووفر اوي كدة
لان كل اللي بيحصل دة هوة مجرد لفت للنظر سواء كان من البنات لللاولاد او العكس
وبنا يهدينا اجمعين

شكرا ديموو انتى ونوجااا

بس الموضوع ده انا كتباه خاصة عشان البنات لازم البنت تاخد بالها من لبسها وانا بعمل كده وباخد بالى من لبسى وبلبس كويس والحمد الله وربنا يهدينا جميعا ع راى نوجاااااا

توبك جاااااااامد ميرو تسلمى
عليه

وفعلا بجد البناااااااااات دى لبسهاااااااااا بجد بقى حاجات غريبه وفكرة نفسها انها خلاص كده بقت ايه عدت ههههههه
ونفس النظام برده الشباب مش البنات بس
بس ربنا يهدى الجميع

ع فكره والله انا اللى كتباه مش مسرووق والله

وشكرا باااسم ع مرورك

بجد لا حوار اكتر من رائع

شكرا ميرو على مجهودك
وربنا يكرمك

اااه والله انا اللى كتباه انا بحب اكتب حاجات من دى

شوفتوا بقى ان الاتحاد نايم ع ودانه ميعرفش المواهب الموجوده فى الكليه

طيب اقوللك على حاجه
ممكن لو بعد اذن حضرتك
فى مجله وعدد نازل بأسم اسرة موجه وعدد تانى
نازل بأسم الاتحاد
ممكن نستضيف اى حاجه من ابدعاتك ايه رأيك

والله على فكرة المشكله مش عندنا لا خالص لكن المشكله فيكم انتوا لان احنا مش نعرف المبدعين بجد اللى زى حضرتك
انتوا اللى المفروض تقولولنا اقتراحاتكم او تكونى متوجدين يعنى معانا على الساحه بمعنى الكلمه

ايه رأيك فى العرض ده وياريت لو قبلتى يكون موجود يوم الاحد بعد اذنك يعنى

لا بتتكلم بجد

اه والله العظيم بجد والله

ايه قلت ايه
؟؟؟؟؟؟

ححاول اكتب حاجة ولو كده حجبها يوم الحد انشاء الله

بس انا مش بعرف اكتب شعر ولا الحاجات دى

لا اى حاجه تكون مفيده يعنى
زى مثلا التوبك الموضه ده جااااااااااامد جدا على فكرة
او اى معلومه خفيفه يعنى اى حاجه ميرو

خلاص خد التوبك

ماهو حلوو اهو

اه بجد حلو التوبك ده بس
ده طويل شويه وكده وبعدين خلاص بقى الكل
قراءه

طب ممكن الاعضاء يقترحوا عليا الموضوع وانا اكتب

اوك
معاكى ماشى بس انتى اللى بتختارى
مواضيعك اللى بتكتبيها
وده بالنسبه للمنتدى لكن
رأيك لو فى حاجه جديده كتبها وكده يعنى تنزل فى عدد الاسرة او عدد الاتحاد الجاى وكده

طب هو العدد اللى جى امتى عشان ارتب نفسى

ان شاء الله بأذن الله احنا شغالين فى دلوقتى
وبأذن الرحمن
هينزل الاسبوع ده
بس ناقص شويه حاجات كده ويكمل

الموضوع فوق الروعةةةةةةةةةةةةةةةةة
بس الاتحاد هينجم ولا ايه وهعرف ازاى انا بلف على الاقسام ومش بلاقى مساندة من الطلاب على فكرة يا ميرو انا مش محتاج انى ابرر لانى خلاص مسكت الاتحاد وممكن اعمل زاى امناء اتحاد الكليات الثانية ونفض بس انا شايف ربى قدام عينى
ومش محتاج الاتحاد تانى لانى ححققت كل اللى بحلم بيه خلاص الحمد لله
وعلى فكرة انا اصغر واحد فى مجلس اتحاد الجامعات المصرية ولو الاتحاد نايم وانا مش كفئ مكنتش مسكت منصب (رئيس الجنة الرياضية العليا بجامعات مصر فى برلمان المنصورة وانا اصغر واحد فى المجلس
واحتمال مدخلش الاتحاد تانى او اترفض امنيا بسب المشاكل اللى انا عملتها عشان اجيب حق زميلى بس مش هتفرق لانه بقى لعبة قذرة اوىىىىى

بس موضوع جامد قوىىىىىىىىىىىىىىى
ورائ ان الشباب اللى بتسقط البنطلونات واللى بيعملوه فى شكلهم مش رجالة دا نقصين يحتوا احمر وابيض عيب يا رجالة يا شباب مصر يا شباب المسلمين يا اللى هتحرروا الوطن وارجع واقول تانى الفاتحة على الرجالة
اما البنات اللى بتلبس من غير هدوم والنبى حرام عليكم الشباب هما ناقصيين
كفاية اللى هما فيه
فيها ايه لما البنت تتحجب وتلبس واسع
متخافيش والله هتتجوزى

اولا شكرا ليك ع الرد

وعجبنى جدا حماااسك وثقتك بنفسك اللى مش موجودين الا فى القليل من الشباب دلوقتى

وع فكره الموضوع ده انا كتبته من غيظى من اللى بيحصل اليومن دول