الصياعه كانت زمان شتيمه انما النهارده حاجه تااااااانيه تعالو شوفو

السلام عليكم ورحمه الله وبركاته

" هى مش كلمة " صايع " كانت شتيمة زمان .. ؟! "

***

حذرنا الكبار _ واحنا لسه عيال _ من خطورة أن نصبح " عيال صايعة " فعلى سبيل المثال
عندما تتأخر فى العودة إلى المنزل بعد المدرسة يتم استقبالك بسؤال " كنت فين ياصايع لحد دلوقتى .. ؟! "

وعندما يكون الزرار العلوى للقميص مفتوحا " متفتحش صدرك زى العيال الصايعة " .
وكان هناك ارتباطا وثيقا بين الصياعة والتدخين ، والوقوف ع النواصى ومعاكسة البنات ،
ووضع الأيدى فى الجيوب أثناء الكلام مع الأب ، وشرب القهوة ، والكلام فى التليفون بالساعات والرد على الكبار بإسلوب غير مهذب ، والتزويغ من المدرسة ، والرسوب فى امتحان نهاية العام وارتداء القميص على اللحم .

وكان لقب " صايع " لقبا مخيفا نهرب منه " وهو الواحد ايه ياجماعه غير سمعة وشوية حاجات فوق بعض " .

وكانا نحرص على الإبتعاد عن أى شخص يحمل لقب " صايع " علشان الواحد " ميتشبهش " .

ولكن بمرور الوقت حدثت طفرة ، لم تعد كلمة صايع شتيمة ، بل أصبحت وساما يضعه الآخرون على
صدر كل من يحوز إعجابهم ، ولم يعد الصايع هو الشخص " اللى مش متربى قليل الأدب ، اللى بيسقط
دايما وقاعد طول النهار ع النت ، وبيعلى صوته على أهله وبيسرق فلوس من ورا أهله علشان يجيب
بيها سجاير " .
هذا الشخص مبقاش اسمه " صايع " بقى اسمه " مغفل " يااخوانا .

وأصبح الشخص الصايع هو الشخص الناحج القادر على إثارة إعجاب الناس من حوله ، الشخص القادر
على انتزاع تصفيقهم ، وأصبح " الصايع " هو النموذج والقدوة والمثل الأعلى أحيانا .
ولقب " صايع " لم يعد أيضا مقصورا على الأشخاص فقط ، فهناك أشياء كثيرة ممكن نقول عليها صايعة

مثلا جهاز الموبايل اللى فيه كل الإمكانيات اللى محتاجها واللى بتحلم بيها ... يبقى( موبايل صايع . )

ممكن تلاقى ( جون صايع ) عبارة عن جملة بين 3 لاعبين سريعة ورشيقة وغير متوقعة .

ممكن تلاقى بوستر لألبوم لمطرب متصمم بطريقة صايعة ومحطوط فى حته صايعة .

ممكن تشوف فيلم نهايته غير متوقعة ولما تمر فى خيالك تبقى ( نهاية صايعة ) والسينارسيت اللى كتب الفيلم ( سينارست صايع ) .

وممكن تلاقى بلد يتقال عليها ( بلد صايعة ) زى الصين اللى قدرت انها تخترق مصر بمنتجاتها
ويبقالها فى كل بيت مصرى 20 منتجا على الأقل ، وبالتالى يمكنك أن تقول إن ( الصين دول
صايعين قوى ) .

لم يعد لقب " صايع " مزعجا مثل لقب " عنده ايدز " ولكن صايع أصبحت وسام وشرف مساو فى
قوته لوسام الـ " ISO 9001 " ولا أعرف ماذا حدث بالضبط وغير سمعة الكلمة 180 درجة ..
... غالبا هى دى الصياعة !

أستطيع الآن _ وأنا ضميرى مستريح _ أن أشجعك على أن تكون " صايع " بالمعنى الجديد للكلمة

... للصياعة بمفهومها الجديد آداب يجب الإلتزام بها حتى تستحق اللقب .

1 – الصايع عمره ما يقول على نفسه صايع ، عمرك شفت واحد ذكي ماشى يقول للناس " أنا
ذكى ياجماعة ؟ "

2- الصايع يكره الفهلوة، لأن الفهلوة سرقة ومجرد استغفال للناس ، الصايع يحترم ذكاء الآخرين .

3 – الصايعة تعتمد على الثقافة العامة فى كل المجالات ، يكفيك أن " تعرف حاجه عن كل حاجه

4- الحظ قد يقودك إلى القمة ، والصياعة أن تحافظ عليها .

5 – الصياعة إن بالك يبقى طويل ، وماتبدأش بالغلط ، وماتردش على اللى بيستفزك ، وإنك
تسامح الشخص اللى تقدر تنتقم منه بسهولة .

6 – الصياعة إنك ماتكررش نفس الغلطة مرتين .

7 – الصياعة إنك تدى كل واحد حقه ، وتعرف قيمة اللى قدامك بالظبط .

تسلم يا صايع قصدي يا جزجز ع الموضوع
بس بجد لو محدش عمل كده يتقال عليه مخفل و موش يعرف حاجة

و ده ما تعودات عليه الناس في الفتره الاخيره

فعلا يامحمد
بس ربنا يستر علي الجيل الي جاي ده

مرسي ليك زوباجا

بجد بجد توبيك صايع (جامد يعنى)

تسلم ياجيزاوى ع التوبيك

ههههههههههههههههههههههههههه
انا صااااااااايع انا
ههههههههههههههههههه
ماشي

تسلمي سيمو

» عجاءب الشعر العربي..حلو جدا تعالو شوفو
» حفله الختام كانت جامده اخر حاجه ~ختام الانشطه 2010 ~
» الصياعه ادب مش هز كتاف؟؟؟؟؟
» تعالو نتكلم في التدخين عند البنات
» النهارده يوم موش عادي 3/12