.:●:. تفضـل المـايك بيـدك.:●:.

فكــرة الموضوع :

ان المـايك كـل أسبـوع يكـون مع عضـو من الأعضـاء ..

العضـو اللــي معـاه المـايك مـن حقـه يطـرح أي قضيـه

للتنـاقش فيهــا مـن قبـل بـاقي الأعضـاء..

يحـق للعضـو أن يطـرح أي نـوع مـن أنـواع القضـايا

سـواء كـانت عـامه أو خـاصه ..

حتـى لـو كـانت تخصــه لـوحده..اذا كـان يرغب

فـي ايجـاد حـل لهـا ..

أتمنـى تكـون الفكـره وصـلت .. واللـي حـاب يسـأل

يتفضـل ..

لتبليغ العضو نرسل له رساله اسمها معك الميك
و نرجو من العضو المختار متابعة الموضوع لمشاهدة الاراء و منقاشتها

و كل يوم جمعة ان شاء الله من كل اسبوع حد فينا يختار عضو يكون معاه الميك و يطرح الموضوع

و انا ببداء ب

"" راح أفتتح المــوضوع بأحـد الأعضـاء ""
نــــــــــــــــوجـــــــــــــا
,, عضــو متميـز لاجــدال فـي تميـزه ,,

,,عضـو يحسـن اختيـار مـواضيعـه الهـادفه,,

,, يعطي المنتدى والأعضاء من وقته الكثير ..

,, يكتـب بعقلـه قبـل أصـابعه ,,

متفهم ..

لبق..

واسع الثقافة..

سريع البديهة..

معطاء ....

لـذلك أقــف ..

نعـم أقف ولم لا أقـف ؟!

احتــرامـا ..

واعجــابا ..

وتقـديرا لجــهود هـذا العضـو ..

تفضلي نــــــــــوجـــــــــــا معاكي الميك

اولا : بحييك يا محمد ع التوبيك الهايل دا للي هيفتح النقاش بين الاعضاء
ودا طبعا مش غريب عليك وعلي مواضيعك
.:●:. تفضـل المـايك بيـدك.:●:. Icon_biggrin

ثانيا:ميرسي جـــــــــــــــــــــــــــــــــــــــــــــــدا
علي ترشيحي والكلام الحلــــــــــــو دا
ربنا يخليك ولله يا محمد
.:●:. تفضـل المـايك بيـدك.:●:. Icon_flower

ثالثا: ســــــــــــــــــوري جدا ع التأخير يوم بحالة
في طـــــــــرح الموضوع
لسة ولله شايفة الرسالة النهردة
.:●:. تفضـل المـايك بيـدك.:●:. Icon_cry

رابــــــــــــــــعا والاهم: بعد التفكير العميق في الموضوع
قولت نتكلم في مووضوع جرئ شوية
يمكن مش اتكلمنا فية قبل كدا في المنتدي
وهي قضية الاغتصـــــــــــــــــــــــــــاب
طبعا في الايام للي ما يعلم بيها غير ربنا دي
الموضوع دا زاد حتي الاطفال مش راحمنهم
استغفــــــــــــــــــــر لله العظيم من كل زنــــــــــب عظيم

هنتناقش في الموضوع من جهة نظرتنا للبنت المغتصبة
نظرتك ليها ازاي؟؟
هتقل في نظرك ولا هتفضل زي ما هية؟؟
هل تقبل بالارتباط بيها مع العلم بحسن اخلاقها وانت متأكد من كدا؟؟

وطبعا لازم البنات يتناقشوا معانا في الموضوع الهام دا
نظرتك انتي كمان لبنت حصلتلها الجريمة دي اية؟؟
هل هتقبلي ان اخوكي او حد من قرايبك يرتبط بالبنات المظلومات دول؟؟

عايـــــــــــــــــزة نقاش جــــــــــامد وكلام بجد من القلب
مش كلام شعــــــــــــارات وخــــــــــــــــلاص

وميرســــــــــــــــــــي جدا ع الترشيح

.:●:. تفضـل المـايك بيـدك.:●:. Icon_flower

اولا تسلم محمد فكره هايله اووووووووووووي
توبك حلو جداااا
نوجا فعلا من اكتر الناس اللي بحب مواضيعها وتفكيرهاااا اختيار رائع
ثانيا موضوعك فعلا يا نوجا خطير جداااااااااااا جداااااااا
يمكن الجريمه دي بتحصل كل يوم
موش عارفه ايه الحل في الناس اللي موش عندها ضمير بس نرجع نقول اكيد هما مش متربين اصلا
غير ممكن يكون اغلبهم مدمنين
بس لاسف الضحيه البنات في الاخر
ده اذا عاشت اصلا بعد الجريمه الزباله دي
بس انا شايفه ان البنت دي مش ليها ذنب خالص في حاجه
يعني موش عار علي الاهل ده قدر موش هتغير فيه
انا نفسي ان الاهل يراعو مشاعر البنت لانهاااااااا اكيد هتكون منهاره جدااااااااااااااا مش يحسسها انها ماتت بكلامهم اللي يوجع
انا بالنسبه لي لو البنت دي محترمه جدا في الاصل يبقي مش هتفرق معاي جريمه ذي دي هي مش ليها ذنب فيهااا
وعمرها مهاتقل من نظري ابدااااااااااا
وهتعامل معهااا عاديجداااا
ويمكن هاراعي مشاعرها اكتر من اي حد تاني

بس انا شايفه ان جريمه ذي دي لازم الاهل مش يسكتو عنها لازم البنت تاخد حقها لان كدا كدا الناس هتعرف
بس لما البنت تاخد حقها ويكون في عقوبه كبيره علي المصيبه دي
يمكن اللي بيعمل كده يخاف او علي الاقل يقل عدادهم
اسفه جدا نوجا طولت عليكو
تسلمي كمان مره انتي ومحمد علي التوبك الرائع

ميرسي يا بنوتة علي رأيك المتحضر دا
وعندك حق في كل كلامك
بس مش كل الناس بتبص للموضوع بالبساطة دي
يمكن هية فعلا جريمة وحشية ووزبالة زي مانتي قولتي
والبنت هية في الاخر الضيحة
بس العقول مش زي بعضها
والشك هيدخل كتير في وسط الناس للي حوليها حتي لو كانو عارفينها كويس
عموما ع الاقل احنا دورنا كبنات اننا نتعامل معاهم معاملة طبيعية جدااااااااا
لان هما كمان كافية الهم للي هما فية مش ناقصين كلام فارغ من ناس ايديها في المية الباردة
تسلمي يا بنوتة ع المرورو الراااااائع

ومستنية باقي الاعضاء في دعوة مفتوحة لمدة كام يوم كدا للنقــــــــــــــاش
بس عايزة كلام من القلب مش شاعرات وخلاص زي ما اتفقنا

تسلمي انتي نوجا و بنوته ع المناقشة و الموضوع الهايل و يارب بجد نقدر كلنا نستفيد و نغير تفكيرنا للارقي

هو بجد حاجة صعبه جدا جدا ع البنت و ع الاهل بس منه الله اللي كان السبب

بس بجد المفروض يكون للبنت دي معامله خاصة بعض الشئ لانها هاتكون مدمره اصلا و هاتاخد اي كلمه بحساسيه بس دي هايكون طبيعي

بس برده عادي لانها موش ليها ذنب في حاجة هي ليس الا ضحية بني ادم حقير موش اكثر و بعدين ممكن تكون في يوم من الايام اختك او مراتك او حتي ولدتك و ربنا يستر علينا و ع بنات المسلمين اجمعين

و المفروض برده ناحاول نعالج المشكله دي من جدورها من ناحية الولاد نحارب حاجة اسمها ادمان و الحاجات دي و ناول نريح الشباب و نجوزهم و نسهل عليهم موضوع الزواج موش نصعبه عليهم

و من ناحية البنات ان البنت تلبس ع اقد ما تقدر لبس محترم و تحاول تخلي بالها من نفسها كويس من المكان و الوقت اللي ممكن تكون فيه كده و هي ماشيه فيه

وبجد موضوع هااااااااااااااااااااايل نوجا علشان كده انا رشحتك اول واحد تناقشي لانك تفكيرك جامد

ميرسي يا محمد ليك جـــــــــــــدا
ورأيك بجد رأي حلو جدا ومتحضر
وربنا فعلا يستر علي كل بنات وشباب المسلمين
يــــــــــــــــــــــــارب

بس خايفة ليكون دا كلام
لكن في الواقع التفكير يتغير
سواء من بنت او ولد

ولا انتو اية رأيكوو
؟؟

صح كله بيتحضر من ولاد و بنات مفيش حد بيفضل زي ما هو

اساس كل واحد بيتغير
مفيش حد بيعيش علي طبع واحد
بس سبحان الله في ناس لو عدي عليها الزمن مهما كان مش بتتغير

بس سوري ده نوع نادر جدا يا جزجز انه يكون لسه في كده
لان لما تلاقي نفسك كل اللي حوليك بيتغيرو و انت لسه ها تحاول تقلدهم موش ها تسيبهم

بس موضوع المناقضة هو الاغتصاب قول ايه رايك و موقفك يا جيزاوي

ايــــــــــــــــــــــــوة لية بس الهروب من الموضوع الاساسي

معلش موش تزعلي نفسك نوجا

ياجماعة موضوع المناقشه اللي طرحاه نوجا هو الاغتصاب و ياريت موش نبعد عنه علشان نقدر نوصل لاكبر قدر من الاراء الساده و نفهم راي الناس فيه

السلامو عليكم ورحمة الله وبركاته
اولا الموضوع رائع
وموضوع المناقشه اكثر من رائع
ثانيا الموضوع ده لو حبينا نناقشه يا ريت نناقشه باكثر من اتجاه
الاتجاه الاول هل يا تري ترضي تتجوز واحده حدث لها حادثه اغتصاب؟؟؟؟؟؟؟؟؟
الاتجاة الثاني كيفيه تقليل مثل هذه الحوادث؟؟؟؟؟؟
الاتجاه الثالث ماذا تفعل اذا لقدر الله حدث لاحد من اقاربك مثل هذه الحادثه وماذا سيكون رد فعلك؟؟؟؟؟؟
................................................................................................................................
يا ريت نجاوب بصراحه ومش نكتب كلام نظهر بيه قدام الناس وقدام المنتدي ان احنا متحضرين

انا هبدا بالاجابه
بالنسبه اني ممكن اتجوز واحده حدثت لها حادثه اغتصاب ؟؟؟؟؟؟؟
اجابه السؤال ده يتوقف علي حاجتين
الاولي لو انا كنت اعرفها قبل الحادثه وكنت بحبها قبل ما يحصلها ده ان شاء الله هكمل معاها واتجوزها لان ده قدري وقدرها ومش ينفع اتخلي عنها في حاله زي دي
اما الحاله الثانيه
لو جيت اتجوز واحده جواز تقليدي وعرفت انها حصلتلها حادثه زي كده
احتمال بنسبه 50% اني اتجوزها مش هقول اه او لا لان ده حسب ظروفي وظروفها

المحور الثاني للموضوع
هنقلل الموضوع ده ازاي
انا مش هقول زي زوفاجا نقلل الادمان ولا نحاربه لاني كده هبقي دخلت في موضوع تاني
لكن هقول حاجه تانيه
هل حوادث الاغتصاب دي بتحصل لواحده وهيا ماشيه مع حد من اهلها؟؟؟؟؟؟؟؟؟؟ او بتحصل وهيا ماشيه في شارع في ناس؟؟؟؟؟؟؟؟؟؟؟؟؟ وبتحصل في اي وقت؟؟؟؟؟؟؟؟؟؟؟؟؟
اغلبيه الحوادث دي بتحصل لواحده بتكون ماشيه لوحدها في وقت متاخر في مكان هادي مش فيه ناس
وانا بقول اغلبيه
فياريت البنات تحافظ علي نفسهم شويه ومش يحاولزا يتاخروا بره البيت
وهلاقي حد يقول فين المساواة بين البنت والولد وده غلط الشعب المصري عايز المساواة بين البنت والولد تبقي في كل حاجه
ده ولد هيلف يلف ويرجع سليم ( مثل بلدي بيقول زي القرش الوحش هيلف يلف ورجعلك)
ومش معني كلامي اني بلوم البنات بس انا بقول يحافظوا علي نفسهم اكتر يحرصوا وهما ماشيين
بلاش اللبس الضيق بس مش اكثر

نيجي للمحور الاخير
لو اي حد بيفكر انه يغتصب واحده وحط قدامه ان ممكن ده يحصل لاخته او حد من قرايبه مش هيبقي فيه حاجه اسمها اغتصاب لكن لانعدام التفكير وقله التمسك بالدين هيا سبب ما وصلنا اليه وما سوف نصل اليه الا اذا اصلحنا من انفسنا

طبعا انا طولت عليكم كتير وصدعتكم بس انا اسف بجد الموضوع شدني ويا ريت اي حد يدخل بعدي يجاوب علي اسئلتي بصراحه
ومش يتكسف ان حد يقول عليه مش متحضر
الاختلاف في الرأي لا يفسد في الود قضيه

بصراحه محمود كلام موزوووون كتتتتير و ده بجد يدل ان الناس اتغيرت و الشباب اتغير فكرهم كتير و يارب يكون كله كده

و حاضر هانجاوب انت تنعر قصدي تقمر

بالنسبه اني ممكن اتجوز واحده حدثت لها حادثه اغتصاب ؟؟؟؟؟؟؟
ع فكره هي بس علشان ها يكون موضوع بس غريب ع الشخص بس في الاخر طالما في حب اكيد موش هاسيبها لاني بحبها واللي حصل موش باديها و لكن غصب و اقتدار
اما بقا لو موش اعرفها فاكيد هاحاول اساعدها بكل ما املك حتي لو هاجوزها لواحد صحبي طالما هي محترمه و اخلاق عاليه

هنقلل الموضوع ده ازاي
بتفق معاك يا محمود في الرد بتاعك بس برده بضيف الرد بتاعي ع ردك و تسلم بجد نيس

و يارب نوجا تكوني وصلتي لفكره عامه و ياريت نشوف ردود تاني علشان الموضوع ها يتقفل اليوم
و هانفتح موضوع جديد و مرشح جديد

يارب تكون فكره الموضوع عجبتكم و نستفيد منها كولنا

ردك بصراحة يا محمود اكثر من رائع
وزي ما محمد قال انة كلام موزون

وبردة بساند محمد في الاسباب اللي زكرها لحدوث الحوادث دي
وبردة يا محمود للي انت قولتهاااااااااااااااااا

واجابات الاسئلة تدل فعلا علي تحضركم وتفهمكم
ربنا يجازيكو كـــــــــــل خيـــــــــــر

بس للاسف مهما زكرنا اسباب للقضية دي
مفيش مبرر واحد يخلي شخص يرتكب الجريمة دي

ربنا يحفظ كل بـــــــــــــــــنات المسلمين يارب

ميرسي بجد ع المناقشة الجامدة دي ولله
ومستنية باقي الاراء

للاسف نوجا زي ما اتفاقنا ان المناقشه اسبوع بس من الجمعه للجمعه

و اليوم انا بقا برشح عضو و صديق و اخ كمان

هذا العضو او المشرف مميز جدا

جدع جدا

وله اروه و اشد وجهة نظر

بذا يجب تقدير مجهوداته الرائعه

و اطلب من من كل من يعرفونه ان يقفو تقدير و احترام له

تفضل الميك بيدك

احمد سنوسي

ونررررررشح سنووووووووووووووووووسي

اما بقا لو موش اعرفها فاكيد هاحاول اساعدها بكل ما املك حتي لو هاجوزها لواحد صحبي طالما هي محترمه و اخلاق عاليه

ايه يا زوفاجا حبك لاصدقائك ده
يعني انت لو مش تعرفها اوي هتساعدها وبدل ما تتجوزها انت هتجوزها لحد من اصحابك هههههههههههههههههههههههههههههههههههههههههههههههههههههههههههه
اتفضل المايك يا استاذ سوسه قصدي سنوسي

سنوووووووووووووووسى يلا انطلق

السلام عليكم ورحمة الله وبركاته

*تسلم محمد بجد على فكرة الموضوع الرائع ده وجزاك الله كل خيرااااااااا
وبجد اشكرك على ترشيحك لى ، بارك الله فيك يا محمد
.:●:. تفضـل المـايك بيـدك.:●:. 434527

*بجد انااا فكرت فى اكتر من موضوع من المواضيع اللى بتشغل الساحة الان بس اخيرا استقريت على موضوع
يخصنا احنا كشباب وبنات عاوزين نتناقش فى احوال شباب وبنات اليومين دول :
- ايه رايكم فى شباب وبنات اليومين دول
ايه رايكو فى شباب السلاسل والحظاظات والبنطلونات الساقطة والشباب اللى بتدمر عقلولهااا بحاجات تافه
وايه رايكو فى البنات اللى بتشرب سجاير وشيشه والبنات اللى بتعاكس الولاد وعجبى 0

بجد يا جماعة الحاجات دى تخنق لان الواحد منا لما بيشوف كده بيحزن

ارجو ان الكل يشارك بنات واولاد

وطبعا الكلام ده لبعض الناس مش كل الشباب والبنات بيعملوا كده

تسلم انت احمد
و نيس اخيار موضوع و الله تسلم و ده المتوقع من شخصيتك يا سوسه قصدي يا سنوسي

- ايه رايكم فى شباب وبنات اليومين دول؟؟
يعي الي حد ما بداء يعتدلو و بدات تتفتح العقول و تتغير العادات القديمة و لكن احلت محلها بعض العادات السيئه

ايه رايكو فى شباب السلاسل والحظاظات والبنطلونات الساقطة دول و الله حكايت السلاسل دي موش لظيظه و بحس انه شاب .... موش راجل اوي اما الحظاظه دي تقليد اعمي و هي موش بتجيب حظ ولا حاجة و انما هي اسيال لا اكثر و البنطلون الساقط ده بقا موش لظيظ بالمره يعني هايبين ايه يا حصره
الشباب اللى بتدمر عقلولهااا بحاجات تافه دي شباب عاوزين الحرق و بسرعة ( الحششاشين )
وايه رايكو فى البنات اللى بتشرب سجاير وشيشه والبنات اللى بتعاكس الولاد وعجبى البنات دي بقا عاوزين قطم رقابييهم هو اه في تساوي بين الراجل و المراءه بس موش يقلدهو في حاجة اصلا غلط هما بيعملوها و سوري يعني دول يبقو بنات ........ز ولا موش لازم اما بقا اللي بتعاكس ده الطبيعي دلوقتي لانه حقيقي بجد قلت معاكست السباب للبنات و زادت المعاكسات من ناحية البنات و اصبحت دلوقتي هي اللي بتبداء بالكلام او بجر الكلام و يبداء بقا شغل كيكي و ميكي و الكلام ده و دول بقا بنات موووووووووووش تمام خالص مالص

و يارب نقدر نشوف اراء و افكار تانيه و كلام ناضج و واضح بس توضيح بسيط اللي انا قولته ده ع بعض البنات او الشباب موش كلهم بيعملو كده

بارك الله فيك يا زوفاااااااااااجاااااااااا
وفعلا بجد انت عندك حق فى كل الكلام اللى انتا قولته
بجد كلام زى الفل
*****************************
نتمنى المزيد من الردود والاقتراحات من قبل الاعضاء

- ايه رايكم فى شباب وبنات اليومين دول
بص ياحمد ثلاث اربع الشباب والبنات عايزين الحرق تحس انهم مش حاسين بحاجه خالص دماغهم في البايباي
اما الربع الباقي فده علي قد ميقدر بيحاول يكون احسن وطبعا كل اللي في المنتدي ينتمي لربع الاخير والله اعلم يعني

ايه رايكو فى شباب السلاسل والحظاظات والبنطلونات الساقطة والشباب اللى بتدمر عقلولهااا بحاجات تافه
بجد مش من الرجوله خالص ان راجل يلبس سلسله املا البنت تلبس ايه ده بجد يبقي راجل تيت ههههههه
اما الحظاظه دي فده تحسه الشوب عايز يبقي روش ويلبس شويه اساتك ملهاش لازمه في ايده
البنطلونات الساقطه هههههههههههه بجد شكلها يموت من الضحك وخصوصا مع الولد شكلها غريب اوي ههههههههههه
يعني ممكن الراجل او البنت يبقو روشين عادي بس مش لازم يابس حاجه مستفزه
الشباب اللي بتدمر عقولها بحاجات تفهه دول ربنا يهديهم ويصلح حالهم

وايه رايكو فى البنات اللى بتشرب سجاير وشيشه والبنات اللى بتعاكس الولاد وعجبى 0
ده بجد يعتمد علي البيئه اللي البنت متربيه فيها يعني لو مامي بتشيش لازم البنت تشيش بردو
بجد حااااااااجه زفت طيب الرجاله وبتحرق في نفسها من ضغوط وكده بس ده مش يمنع انها غلط ومش لظيظه للولد بردو اما البنت دي عايزه تكهرب يابني
وبيعملو كده علشان الصياعه مش اكتر وربنا يصلح حال المسلمين يارب
لازم الام والاب يكونو قدوه لاولدهم في كل حاجه

البنات اللي بتعاكس الولد انا عمري مشوفتها بس بسمع عنها من اخواتي
بردو صياعه ومفيش توجيه خالص من البيت (تربيه يعني)
هي فعلا حاجه غريبه جداااااا واللي يعيش ياما هيشوف ههههههههههههههههههههههههه
تسلم احمد علي الاقترحات الجامده

-

ايه رايكم فى شباب وبنات اليومين دول
مالهم الشبااااااااااااااااااااااااااااب لسه فى شباب زى الورد على فكره وشباب وبنات عايزيين يعملوا حاجه هما بس كساله شويه وعايزيين حد يشجعهم بس لكن فى منهم كويس جدااااااااااااااااااااا
بس مش هنكر ان فى دلوقتى شباب وبنات مالهمش الا فى الهلس وقله الادب ومش عايزيين غير ياخدواااااااااااااااااا المصروف من بابى ومامى ويدلعوا وشباب هئ ومئ خالص بس طول مش كتير بردوا ياجماعه واعتقد دول لما يكبروااااا ممكن يتصلحوااااااااااا ده اذا ماكنوش عملوا جريمه يعاقب عليها القانون لسه

ايه رايكو فى شباب السلاسل والحظاظات والبنطلونات الساقطة والشباب اللى بتدمر عقلولهااا بحاجات تافه
تفااااااااااااااااااااااااااااااااااااااااهه
وولاد متبنته بنات مترجله
ماتعرفش دول جنسهم ايه بصراحه
يعنى بزمتكم ينفع يبقى راجل وشنبه فى وشه ولابس حظاظه ولا سلسله
وبعدين بنطلونك واقع ارفعه قول لماما ياصغنن ترفعهولك قبل ماتنزل من البيت

اقروااااااااااا الفاتحه على الرجاله
وايه رايكو فى البنات اللى بتشرب سجاير وشيشه والبنات اللى بتعاكس الولاد وعجبى

والله يازمن لا بأيدينا نزرع الشوووووووووووووووووك
طيب الراجل اهو بيشرب بيقولك علشان يحس برجولته هيا والنبى بتشرب ليه تحس برجولتها بردواااااااااااااااا
ههههههههههههههههههههههههه
اشربى اضربى ياختى انتى وهيا يمكن يولع فيكم بجاااااااااااااااااااااااااااز

اما بقى اللى بتعاكس ولد ياختى عليها حال الدنيا اتشقلب ياجماعه كان الواد يخفى ويجرى ورا البت هنا وهنا ويبقى هايموت عليها
اما دلوقتى ماشاء الله البت هيا اللى بتجرى وراه طبعا ماهوا نسبه البنات بقت فى الطالع والولاد فى النازل ومعدل لكل ولد اربع بنااااااااااااااااااااااااااااات يبقى خلاص يادوب
والله دى بنااااااااااااااااااااااااااااااااات بصراحه عايزه تربيه دول بشعيين وبيشوهوا نفسهم بحاجات زى دى وفاكريين انهم كده كوووووووووووووووووووول

هايل ياسنوسى بجد مواضيع حلوه

فعلا بجد يا اطيب بنوتة انتى عندك حق فى كلامك وفعلا زى

ما حضرتك قولتى ان ده بيرجع للبيئة اللى الشاب او البنت متربى فيهااااا

وفعلا انا متفق مع وجهة نظر حضرتك

.:●:. تفضـل المـايك بيـدك.:●:. 993117

ميرسى لحضرتك يا كرستال واه فعلا مش كل الشباب والبنات كده فيه طبعا ناس محترمة كتيرررر بس للاسف يا فندم ان ظاهرة الشباب والبنات اللى شايفن نفسهم دى انتشرت وبجد يا جماعه احنا نعتبر عايشين فى محافظة ليها عادات وتقاليد شوفوا بقى الشباب والبنات ماشين ازاى فى الشارع واحنا عندناااااا عاداتناا وتقاليدناا فما بالكم بالمحافظات التانية وبجد عندك حق فى موضوع معاكسة البنات للشباب ممكن فعلا لان نسبة البنات اد نسبة الولاد مرتين او ثلاثه0
بس اولا واخيراااااا فعلا ده بيرجع للبيئة اللى الانسان اتربى ونشأ فيهاااااااااااااااااااااااا

.:●:. تفضـل المـايك بيـدك.:●:. 993117

نتمنى المزيد من المشاركات وسماع الردود باذن اللله
وجزاكم الله كل خيرررر

اولا احب اشكر صاحب الفكرة الجامدة دى والاعضاء اللي قالو ارائهم وردوا وفعلا موضوعات تستحق النقاش واحب اقول وجهة نظرى في حكاية شباب وبنات الايام دى بالنسبة للسلاسل والحظاظات طبعا هما شايفين انها جزء منهم وبتعبر عنهم وهما اتعودوا يلبسوها والبعض بيقول انها حرية شخصية ..... اما بقي بالنسبة للبنطلونات الساقطة دي بجد نكتة وياريت شكلها عدل ههههههههه وطبعا كل الحاجات دى تقاليع فارغة جداااا وموضوع الشيشة والسجاير للبنات هما استغلو حكاية المساواة دى بس للاسف اسوء استغلال والمعاكسات دى بقي ان البنت هى اللى تعاكس الولد وتحاول تصاحبه دى تبقي ناقصة عقل ودين وتربية وكل حاجة وللاسف هى كملن استغلت المساواة ....... وفي النهاية احب اقول ان اى مشكلة من اى نوع اساسها البيت البيت البيت .:●:. تفضـل المـايك بيـدك.:●:. 77923