@ سؤال محرج للبنات وبس @

سؤال محرج للبنات وبس


لو انتي مرة كنتي قاعدة مع اختك


وكانت اختك شايلة بين ايديها طفل صغير


وقالتلك اختك انا مشغولة ممكن تشيليه مني شوية؟


وبالفعل اخدتي الطفل وشيلتيه وقعدتي تكلميه وتلعبي معاه


وساعتها قعدتي تقولي للطفل الصغير اديني بوسة يا حبيبي
وكررتيها

ممكن تاخدي من الطفل ده بوسة


لكن الطفل ما رضيش وفضلتي تكرري الطلب ده منه ( هات بوسة يا حبيبي)


وترفعي صوتك وتقولي بصوت عالي ( اديني بوسة يا حبيبي)

وفجأة.....

فتحتي عينك لقيتي باباكي ومامتك واخواتك كلهم حواليكي ( طلع كل ده حلم)


وسمعوكي وانتي بتقولي اديني بوسة يا حبيبي


وسالوكي كنت بتطلبي بوسة من مين


هتقولي ايه؟؟؟؟؟؟؟؟؟؟


هههههههههههههههههههههههههههههههههههههههههههههههههههه


مستنية ردودكم يا بنات

حقلهم من ابن اختي حكون بطلبها من مين يعني دا كان حلم وانتم اصلا ايه لي وقفكم في غرفتي وحقلبها عليهم

هههههههههههههههههههه
صح هو ده الكلام المظبوط
اقلبيها عليهم احسن حل

ههههههههههههههههههههههههههه
هو انا مش عندى ابن اخت حاليا فأكيد رد فعلى شى طبيعى


هارفع راسى وازغر بعينى واعمل هبله واقول هاااااااااااااااااااااااااااااااه

ميرسي على ردك يا جيزاوي
بس فعلا سؤالك محرج اوي مش عارفه اجاوبه

يسلم مرورك يا نونو

ميرسي شهيدة الاسلام انك رديتي عليا بجد
وانا مش كان قصدي حاجة ده تهريج مش اكتر وانا مش قولت حاجة فظيعة للدرجة دي
عموما لو الموضوع مضايقك او مضايق اي حد اوي كده انا هشيله خالص

شكرا لمرورك

حبيتى أنا عايزة الموضوع يضايقك انت مش يضايقنى انا بس

عايزة يضايقك علشان انت اكيد فاهمة انه مش المفروض اهزر حتى مع صاحباتى البنات طالما الكلام ده هايقرأوه اولاد


يارب تكونى فهمتينى ومش تزعلى منى





عايزة نصيحتى



ياريت تشيليه بجد



عارفة اصل ده عامل زى ايه بجد طول ما هو موجود فى المنتدى والناس بتقرأه


عارفة الصدقة الجارية هى دى حاجة شبها كده بس من الناحية التانية

ميرسي على مرورك مرة تانية شهيدة الاسلام بجد
واضح انك مهتمة بالموضوع ده اوي
وميرسي برضه على نصيحتك ليا مرتين في ميزان حسناتك ان شاء الله

بس اقولك تاني التوبك ده تهريج مش اكتر من كده ومش قاصدة بيه حاجة ومش مضايقني انا
لكن مدام كل اما تدخلي المنتدى بتشوفيه ويضايقك اوي كده حاضر هشيله عيوني ليكي
بس انا مش بعرف اشيل توبيكات دلوقتي هسال ازاي واشيله من هنا خالص

انا مش عندي ابن اخت بس لو حصل اعمل فيهاااااااااااااااااا لسه نايمه واخرف واستعبط بقي واقضيهاااااا ريأكشنات
ههههههههههههههههههه

ولو عندي هحكي عااااااااااااااادي اللي حصل

وبعدين في الوااااقع هو طلب غريب جداااااااااااااااا
هههههههههههه

شكرا علي موضوعك اللذيذ ده ياسمين وانا عندي سؤال للاخت شهيده الاسلام ليه لما حضرتك بتقولي الكلام ده بتدخلي منتدي وانتي عارفه انه الشباب فيه اكتر من البنات ارجوكم يا شباب صلحوا من نفسكم الاول

شكرا علي موضوعك اللذيذ ده ياسمين وانا عندي سؤال للاخت شهيده الاسلام ليه لما حضرتك بتقولي الكلام ده بتدخلي منتدي وانتي عارفه انه الشباب فيه اكتر من البنات ارجوكم يا شباب صلحوا من نفسكم الاول

ههههههههههههههههههههههه
ههههههههههههههه
الموضوع ده تحفه انا حصل معاي شبيه بكده بس الحمد الله كنت نايمه مع صحبتي
ههههههههههه
ولما صحيت كنت هموت من الضحك علي حصل
بس ده كان من تهيس الامتحانات
بس فعلا موقف جاااااااامد
تسلمي ياسمين علي الفضايح دي هههههه

ههههههههههههههههه
الحمد لله انك كنتي مع صاحبتك ومحدش سمعك غيرها
ماهي الامتحانات بتخلي التهييس كتير اوي
تسلمي على مرورك الجميل ده يا اطيب بنوتة

اختي شهيده الاسلام انا عايز افهمك حاجه معينه الموضوع من اوله لا يستحق تلك الهجمه المدعوه بالاصلاح اولا انا لا اعرفك وايضا لا اعرف كاتبه الموضوع لشخصها ولكن استفزتني طريقه الكلام ويك انكي حقا الخاليه من الاخطاء والساعيه للاصلاح ارجوكي مره اخري هذا منتدي من اجل الترفيه والموضوع من بدايته هو ليس الا ترفيه فأما ان تلتزمي حقا بعدم ايزاء الناس تحت مسمي الاصلاح وارجوكم كلهم شباب المنتدي بجد سيبوا الدين في حاله شويه كل شخصيه تحفظ كلمتين في الدين خلاص بقيت الشحصيه السالمه من الاخطاء والساعيه للاصلاح وشكرا اختي علي التعقيب والمرور
_________________
ضربة العدو تدمي الجسد وضربة الصديق تدمي القلب

انا أسف اني دخلت علشان دي موضوع بنات
بس الموضوع جامد وكل تهريج
تسليمي يا ياسمين



انا عاوز أقول حاجة الي شهيدة الاسلام (النصيحة علي الملئ فضيحة)
كان ممكن تبعدي علي الرسائل الخاصة رايكفي الموضوع