اعرف صاحبك وعلم عليه

بسم الله الرحمن الرحيم

الاول لازم تعرف اننا كلنا فينا عيوب ومميزات
يعني كلنا بنجمع بين الصفات المتناقضه
كل شخص جواه جزء من كل الصفات
يعني حتلاقي جواك صفه الكرم والبخل
وحتلاقي الذكاء والغباء والشهامه والنداله
وكل الصفات موجوده بنسب متفاوته
والصفه اللي بتطغي علي باقي الصفات هي دي الصفه المميزه للشخصيه
تعالي بقي طبق الكلام ده علي صحابك
وحدد كل واحد ايه الصفه المسيطره فيه

صاحبك البخيل
تلاقيه دايما اخر واحد يحط ايده في جيبه وانتم قايمين من علي القهو
علشان تحاسبوا القهوجيه

صاحبك الغبي
اخر واحد يضحك علي نكته قالها واحد تاني وتلاقيه بيضحك بصوت عالي

صاحبك المغرور
دايما يتكلم عن انجازاته اللي عملها
ودائم التحدث عن المهارات اللي عنده
ومش عند غيره وتلاقي امكانياته اقل بكتير من طموحاته

صاحبك البكاش
الكذاب نسااي يعني يحكي لك حاجه النهارده
وتاني يوم يحكي لك نفس الحاجه بصوره تانيه خالص

صاحبك الندل
اول واحد يجري لما ابو البنت اللي انت ماشي معاها
يقفشك وانت ماسك ايدها

صاحبك الحقود
قليل الكلام علي وجهه ابتسامه مالهاش ملامح
تزيد الابتسامه دي لما تتمسك في خانه اليك
وانت بتلعب طاوله وهو بيتفرج عليك

صاحبك اللي تصاحبه
هو اللي تلاقيه وقت الضيق
اللي يحب لك الخير
اللي ما يزعلش لما يلاقيك ناجح
اللي ينصحك ويشدك ناحيه الخير والالتزام
اللي يزعل لزعلك ويفرح لفرحك
اللي يرد غيبتك
اللي تحس انه اكتر من اخوك
والمثل الشعبي بيقول
اعرف صاحبك وعلم عليه
واحياناً بيكون شخبط عليه
ع رآى الست نانسى

يعني يا إما علامه صح او علامه اكس
او تقتله وتريح دماغك
مش كده ولا ايه؟؟؟

كده و الله يا جيزاوي انت بتتكلم صح
اقتله و ريح نفسك ياما تقتل نفسلك لانه لو طلع واحد من دول يبقا انت موش بتعرف تختار اصحابك

تسلم ايدك يا جيزاوي بجد هاايل

يا جيزاوى يا جااااااااااااااامد
هههههههههههههههههههه
اعرف صاحبك وعلم عليه 628771

بجد موضوع جااااااااااااااامد بجد وحقيقي انت عندك حق وانا اعرف ناس من كل نوع
تسلم بجد واتمنالك مزيد من التقدم
تقبل مروري

مرسي ليك زوباجا
وانا هسمع كلامك من غير تفكير

مرررررسي ليك ياسنوسي
واااااااااااااااااااااااااحشني والله
وجزاك الله كل خير
وبلاش كلمه ياجامد دي ده انا بقيت عصااااااااااايه
هههههههههههههههههه

مرررررررررررسي ليكي نيره
وجزاكي الله كل خير

وويلكم باااااااااااااااااااك

موضوع جميل وعايش معانا
بس ساعات الواحد بيكون مجبر علي الناس اللي بيتعامل معاهم ومبيكونش في حل تاني بديل
دا علي اساس كلام MR.zoophaga اللي بيقول ان الشخص هو اللي مش بيعرف يختار اصدقائه
في ناس كتير بنقابلهم والظروف بتحتم علينا اننا نكون اصدقاء يعني مش بختيارنا
وانا شايفه ان الصداقه حظ في الاول وفي الاخر
عفوااااا للاطاله

موضوع بجد هااااااااايل
جزاك الله خيرااااااا

شكرا ليك جيزاوى على موضوعك الرائع
وانا مش معاكى فى الفكرة دى يا انجل
مش معنى انك وقعتى فى موقف بايخ مع واحدة صحبتك يخليكى تقولى كده
بس احنا اكيد فى ايدينا نختار اصحابنا
لكن الناس اللى انتى مجبرة تتعاملى معاهم
سميهم زملاء مش اصدقاء
وانا اسفة للاطالة

ياااااااااااااااااااااااااجماعه طولو برحتكم
ده موضوع للنقااااااااااااااااش
بس انا مش مع فكرتك يانجل علي ان الصداقه حظ
لان كل واحد هو الي بيختار اصدقائه
ولو جهه في مره بعد ما اختار صديق ما وطلع اختيار خاطئ بحاول بقدر الامكان ابعد او اتلاشي اي فعل من هذا الصديق

ومرسي ليكي انجل ومرسي ليكي موني

صح يا جيزاوي اعرف صاحبك وعلم عليه
لان مش كل صاحب بيتصاحب في ناس مش تستاهل انك تقول عليها اصدقاء
وفي ناس تانية زي ما بتقول اكتر من اخوات لانهم بيكونوا اصدقاء بجد
ومش في حد مجبر انه يصاحب حد مش حلو لان ده بيرجع لقرارات واختيارات الشخص نفسه

توبك حلو جدا جدا تسلم عليه

يعني في الاول وفي الاخر ياياسمين
الاساس في الموضوع بيرجع لاختيار الصديق ده

وجزاكي الله كل خير

موضوع حلو تسلم ياجيزاوى

:roll مغسي

وجزاكي الله كل خير ياتووووووووووشكر

موضوع روعه
الحمد لله انا دلوقتى عندى اصحاب بجد مش اى كلام اينعم هم فيهم شوية هبل بس يلا هههههههههههههههههههههههههههههههه
لا والله دول سكر سكر
احسن حد منهم يدخل ويشوف ههههههههههههههههههههههههههههههههههههه

مرسي ليكي سهر

» ويا ترى انت صاحبك من اي نوع
» اعرف شخصيتك
» اعرف التاريخ
» اعرف شخصيتك من رقم موبايلك!!!
» اعرف شخصيتك من عمرك ..