أسئلة وجعاني اوي ونفسي الاقيلها اجابة

أنا كان بيدور في دماغي شوية اسئلة محيراني جدا وحبيت اسالكم
يمكن حد يعرف يجاوبني
نفسي اعرف يعني ايه تضحية ويعني ايه حب صادق وده كله بيكون لناس
مش بتستاهل ابدا....
حد يعرف يعني ايه قلب مجروح وحزين ... طيب قلب بيبكي دم بجد من شدة نزف جراحه
ومع كل ده مفيش حد بيطبطب عليه ولا بيمسح دمعته...
طيب هو لسه في حب حقيقي ولا خلاص مش موجود.. لسه في قلوب بتحس ببعض
لسه في ناس بتخاف على بعض... ولو موجودين هما فين ؟؟

لو تعرفوا تجاوبوني ياريت تعرفوني انا كل كلامي غلط ؟؟ ولو غلط اومال ايه الصح
في حب وبيعيش وناس فعلا تقدر معناه ؟؟ ولا كل الناس بقت بتشتغل بعض ومحدش فاضي
يحب حد ؟

من فضلكم حد يرد عليا ويعرفني الاجابة

انا هجاوب علي الاسئلة في ضوء احاسيسي انا


-[color=red] التضحية
اجمل شيء يامنه يعني تحبي حد سواء ام اخت صديقة حبيب ومتقدريش ان انتي تشوفي فيه اذي وتتمني نفسك بدالة اعتقد ان لو لقدر الله مامتك في خطر منه اول واحده هتقول انا بدالها ( ربنا يخليهالك ) لكب بالنسبة للحبيب هنعرف بس تحت شوية

حكاية الحب الصادق دي مش عارفة بس بصي مينفعش الدنيا تخلي منه يعني اكيد في وفعلا في ناس مش تستاهل وخداعه بس في ناس حلوة,,,,
عارفة المشكلة فين؟
ان الانسان الصح بيقابل الانسانه الغلط والعكس بردو صحيح
او ان البني ادم لما بيلاقي حب اللي قدامه زايد لية بيسوق فيها ويترسم عالتاني لحد مايقسي علية ونرجع يقول مش يستاهل.



2- مجروح وحزين

ده بقي تسالي فيه الاخ اللي معانا مجروح اعتقد انه بيعاني مش تسمية وخلاص هيفيدك لاني معرفش القلب اللي بينزف مجربتوش لانه مش متوقف علي فقدان حبيب بس اكيد فقدان ناس تانية اساسية في حياتنا وياريت كلاني مش يزعلك مينفعش القلب ينزف علشان ولد.
حد يطبب بقي دي نسب بس يامنه بجد انتي اللي لما توصلي احساس ان اللي حواليكي مش بيطبطيوا بتقولي كده لية؟
لانك بتكتمي او بنكتم مشاعرنا ومش بنبينها قدام حد فبالتالي مش هيطبطب علينا.


3- الحب والخوف

اةةة فيه انا واثقة وهيفضل فيه لعلمك بقي الحب بين الناس ده هوه اللي مخليهوم يعيشوا ويخلي لحياتهم هدف يعني الولد عامه بيحدد خطوات حياته ويشتغل بسرعه علشان حبة لبنت معينة
كذلك الاب والام بيعملوا البدع علشان حبهم لاولادهم.

كلامك صح وغلط بس متفقديش الامل وهتلاقي ناس وحشة وناس حلوة اهم حاجه انك تكوني قد الصدمه لو اتصدمتي او انك تثقي فاللي قدامك علشان تخلي نفسك تحبوة,,,,,,,,,,,,,,

انا رغيت كتير بس حبيت ارد علي كل كلمه
تاني حاجه ممكن اكون بتكلم عن الاهل اكتر لان الحب عند الاهل اصدق خالي من اي معاني
شكرا ليكي عالموضوع الجميل ده
تقبلي مروري وخالص احترامي

نفسي اعرف يعني ايه تضحية ويعني ايه حب صادق وده كله بيكون لناس
مش بتستاهل ابدا...

تضحيه يعنى انك تضحى لو حتى بعمرك علشان حد بتحبيه وتكونى راضيه من جواكى باللى بتعمليه وحاسه ان التضحيه دى شئ عادى اما بقى الحب اهو بنعدى بيه ومش بنبقى عارفيين اللى بنحبه ده يستاهل او لا اهو بنحب وخلاص.
حد يعرف يعني ايه قلب مجروح وحزين ... طيب قلب بيبكي دم بجد من شدة نزف جراحه
ومع كل ده مفيش حد بيطبطب عليه ولا بيمسح دمعته...

سؤال صعب اوووووووووووى ومؤلم جدااااااااااااا اصعب حاجه ممكن تمر بيها
طيب هو لسه في حب حقيقي ولا خلاص مش موجود.. لسه في قلوب بتحس ببعض
لسه في ناس بتخاف على بعض... ولو موجودين هما فين ؟؟

اعتقد هو قليل بس موجود دورى جواكى هتلاقيه اوعى تقنعى نفسك انه انتهى احلمى وبس وان شاء الله ربنا هايوفقك ويديكى الحب اللى بتحلمى بيه

لو تعرفوا تجاوبوني ياريت تعرفوني انا كل كلامي غلط ؟؟ ولو غلط اومال ايه الصح
في حب وبيعيش وناس فعلا تقدر معناه ؟؟ ولا كل الناس بقت بتشتغل بعض ومحدش فاضي
يحب حد ؟

هو الحب دلقتى بقى فى ناس بتقوله مجرد تسالى مش اكتر والحب الحقيقى موجود بس قليل بس مش عارفه ليه بينتهى بردوا لما الاتنيين بيجوزا كل منهم بيشغل فى الدنيا والدنيا تلاهى بقى



بجد موضوع حلوووووووو اووووووووووووى تسلمى يامنه فوق الرائع

منه فعلا الموضوع حلو اوووووى
بس هو فعلا فى حب حقيقى وفى حب زى ما ميمو قالت انتى انتى ممكن تحبى اللى حواليكى وتعوضى بيه اى حب فى الدنيا كلها
بس اهم حاجة تكونى انتى مقتنعة بكده من جواكى انتى
مش مجرد كلام يا منه
والقلب المجروح كل الناس بتنجرح وبيبقى جرح صعب اوى وبالزات لما يكون من أعز الناس
بس انتى من حبك ليهم بتنسى كل ده
اما الحب الحقيقى موجود على طوووووووول وبين كل الناس
بس اللى احنا نختارهم صح وممكن تلاقيه بين صحاب او زمايل او اهلك

وده وجهه نظرى
وبجد موضوووووووع تحفففففة

التضحية انك يبقى عندك حاجة تتنازلى عنها عشان اللى بتحبيه
انا رأيى ان اكيد فيه تضحية.. بس احيانا الظروف مش بتدى للشخص فرصة حتى انه يضحى.. لانه ببساطة مش عنده حاجة يضحى بيها.. فبيختار الفراق او بمعنى اصح ظروفه بتجبره على انه يفارق اللى بيحبه حتى ولو كان بيحبه حب صادق من قلبه

الحب الحقيقى !!! اعتقد مفيش حاجة اسمها حب حقيقى ومش حقيقى .. الحب هو الحب .. دايما حقيقى ودايما صادق ومن القلب .. ولو كان غير كده يبقى مش ينفع نقول عنه انه حب
واللى بيحبوا بعض والظروف بتفرقهم بيحاولوا يدفنوا الحب ده جواهم عشان يقدروا يبدأوا من جديد ويستمروا.. لكن بيفضل دايما فيه حاجة جواهم مش بتروح حتى لو كل واحد فيهم بدأ حياة جديدة مع حد تانى

بجد توبيك حلو كتير

أولا عايزة اقولكم ميرسي بجد انكم قريتوا الموضوع ده ورديتوا عليه
وعايزة اقولك يا جيزاوي انا نفسي اكون متفائلة بس مش بقدر اوي
انا مش متشائمة للدرجة دي لكن في ساعات مواقف وظروف بتخليك مش شايف اي
حاجة حلوة ادامك
واكيد الانسان بياخد حذره في كل حاجة خصوصا لو بيتعامل مع ناس هوايتها تجرح في بعض
بس محدش ينفع لو حب اوي ياخد باله ويكون حذر لان وجود الحب معناه وجود الامان
مش ينفع الخوف مع الحب في قلب واحد
وانا بتكلم على الحب عموما مش بس حب الحبيب لحبيبه لا حب الصديق وحب الاخ
حب الام وكمان.. حب الذكريات
شكرا مرة تانية جيزاوي على مرورك

انا مصدقاكي يا ميمو ومصدقة كل كلامك
ومش اقدر ارد باي كلمة ليكي غير اني هسمع كلامك
وهحاول اعمل زي ما بتقولي
لو اتصدمت هكون اد الصدمة
وهحاول اثق في اللي ادامي ولو ان دي بقى محتاجة وقت كبير جدا
عشان الثقة دي مش بينفع تكون لاي حد غير لما تحسي ان اللي ادامك ده
بيخاف عليكي وبيحبك وبيضحيلك حتى بروحه ...ساعتها بس انتي اللي هتقولي
انا كمان بثق فيه بجد سواء بقى كان حبيب او صديق

ميرسي كيتي على مرورك اوي وانا اسفة لو كان كلامي ضايق حد فيكم
وانتي عندك حق اكيد انا محتاجة ادور جوايا يمكن الاقي الحب بجد
حتى لو مش في حد اديهوله هكون سعيدة جدا لو اديته لاهلي واخواتي
وطبعا صحابي لانهم عندي بالدنيا كلها وبحبهم جدااا ربنا يخليهملي
انما بقى احلم دي فانا بطلت احلم من زمان اوي وبقيت بخاف احلم لاني
ببقى عارفة نهاية حلمي ايه

فعلا بيسو انت عندك حق الصح في كل ده ان الانسان يقرب من ربنا
ويدعيله انه يخفف عنه لانه اكيد هيسمعله وربنا بيحب كل الناس حتى اللي مقصرين في حقه
وانا فعلا بعد اما بدعي او حتى ابكي واشتكي لربنا بحس اني كويسة ومرتاحة جدا
تسلم بجد على ردك وشكرا لمرورك

ميرسي ايسو على مرورك اوي وشكرا عشان قريتيه
تسلميلي

اما على فأنا متشكرة جدا اني تعبتك معايا وقريت الموضوع بتاعي
وانا اسفة يكون اول تسجيل ليك في المنتدى ده ترد على توبك حزين وهيضايقك اكيد
وعندك حق الحب الحقيقي مالوش غير معنى واحد هو حب بجد واي حاجة تانية بيبقى اسمها
اي مسمى لكن مش حب
واللي بيخسروا حد غالي في حياتهم وحبوه من قلبهم مش ممكن بينسوه ابدا ابدا حتى لو دفنوا
حبهم ده وبدأوا من جديد لكن صدقني مش سهل ابدا البداية الجديدة لو كان حبهم وصل لدرجة
تخلي الفراق بيوجع والبداية مع حد تاني بتقتل
ميرسي على مرورك

وميرسي ليكم بجد انا استفدت من رأيكم حقيقي انتوا احسن صحاب عندي وانا مبسوطة
اني ليا اصدقاء زيكم

بجد يا منه انتى وجعتينى اوى
وانا متاكده انا اكيد فى حب بس مش بياخده الا الى بيستاهله واكيد قربنا من ربنا هيخلينا نختار صح وانا من راى ان مش كل الناس تستاهل التضحيه