مصطلحات شبابية اخــــ حاجه ــر

مصطلحات طحن أخــ حاجه ــر
ـــــــــــــــ
أنا جايبالكوا شوية مصطلحات منتشرة واختارت اللي غالبا بقولهم مع صحابي بس علشان الباقي يعرف
بس مصطلحات أية موز موز موز علي رأي عمرو أديب
ــــــــــــــــــــــــــــــــــــــــــــ


في الامبالايز

دي يعني مثلا لما نقول الحياة في الامبالايز او المشوار ده في الامبالايز يعني المشوار ده طلع فاشوش او الحياة ليس لها معني.

اضرب واحد ...كشري,,,
ده مصطلح عسول خالص بيتقال كتير يعني هاكل هشرب من الأخر بييجي مع مصطلحات الأكل.
استمورننج

يعني اعمل ألاصطباحه يعني يا معلم تضرب كوباية الشاي المهم تظبط دماغك بطريقتك عالصبح زي ما تحب ولو مدمن تضربلك قرش كابتشينو عادي ومصدرها من اللغة الإنجليزية morning.
اوك عليكي

دي بقي مش كتير يعرفها جديدة بس حلوة بدل اوك بس بقت اوك عليك بتتقال مع الناس الرقيقة والصبيان الرقيقة بردو او المسترقه.

حبااااااال

دي بقي محدش يعرفها غير 4 بنات ودكتورة ههههه بس انا قررت انشرها المهم دي يعني شكلك وحش لما تتحرج اوي او تتحط في موقف وحش فالناس تقولك شكلك حباااااال المهم ان الكلمة دي محدش يعرف مصدرها.

بيترسم علينا

يعني الشخص ده شايف نفسة اوي وعامل فيها ياما هنا ياما هناك او فشار انا شخصيا بحب المصطلح ده وبقولة كتير لانه استخدماته كتير.

بيمرهم

يعني انت يا باشا كده لما تبقي خارج فتقوم تبوس بابا علشان كمان شوية تقولة هات فلوس ويوافق او مثلا كل شوية تطلب من زميلتك المحاضرات تتحجج أي الحجج دي اسمها تمرهما.

انزل من علي وداني

دي بتتقال للرغايين اوي يعني بيبقي واقف علي ودانك وزنان من كتر الكلام وبتسكته كده.

بتتنطط عليا

دي بنت عم بتترسم عليا بس دي ممكن يكون واحد جبان ويقولك انا هعمل وهعمل فيك انت بقي تقولة انت بق وبتتنطط عليا وكده لحد ماتوصل للدم.


فيصت
دي تدل علي كمية التعب والاجهاد بتبقي مثلا قاعد عالنت طول اليوم فلما تتعب بتقول فيصت بس انا بقي اموت واعرف مصدرها.


مبياكولش معايا

مش المقصود بيها الأكل لا دي يعني حد بيترسم بردو وانت ميهمكش منه او مش بتخاف من كده فتقولة الكلام ده ياحبيبي مبياكولش معانا معظم المصطلحات عن الناس اللي بتترسم اصلهم كتير اليومين دول.


نتسنكح

يعني نتمشي نخرج يعني بس خروج بلا هدف هنتفرج عالناس بس والمحلات.دبلره
يعني بعد الشر انك تكرر الحاجه او تعيد سنه بعد الشر عالكل وده مصدرة من كلمة دوبل اوdouble من اللغة الإنجليزية.
جبت جاز

يعني فصلت او فيصت كل ده هيه هيه بس مبحبش اقولها لان ريحتها وحشة هههههه.

[color:bd07=brown
تربنه[/color][color=violet]

انا اعتقد أنها يعني دماغك تلف بس انا معرفهاش اللي يعرفها يبقي يقول بس موضعها لما تدوخ مثلا او حاجه عملتلك قلق تقول عملتلي تربنه.

سسسسسسسسسس

دي بقي بتتقال للحقد من طرف لطرف اخر يعني مثلا واحده قاعده مع خطيبها والتانية تقولها سسسسسس ال يعني ماشية معاكي بس اعتقد انها حقد عليها ههههههه
بس انا بردو بقولها ههههههه بس من غير حقد لأني مش عايزة أتخطب دلوقتي.

سلاموز ياموز
والله يخليكوا اللي يعرف مصدرها او معاناها يقول هيه شكلها مجرد كلمه شكلها حلو وتداولوها الشباب.
دوس

علي رأي عمكم حماقي لما قال دوس خد قرار بصراحة هوة حطها في موضعها الصحيح يعني من الأخر خليك جريء او لو متردد لا اعمل الحاجه هيه كده.

اسرح

دي بقي كتير بتحصل انك تسرح باللي قدامك يعني تكدب او تفضل تحكي في كلام محصلش او تقول للدكتور اصل العربية عطلت بينا دي يعني بتسرح بيه زى مارفي علي طول العربية بتعطل بيها دي صاحبتي.

موزة

طبعا كلكم هتفتكروها البنت الشيك وكده لالا انا اقصد انها نوع من الفاكهه اصفر اللون طعمه لذيذ جدا جدا.
ــــــــــــــــــــــــــــــــــــــــــــــــــــــــــــــ

يارب تكون الحاجات دي عجبتكوا واللي عنده اضافه يقول عادي بس احنا منقدرش نجيب كل المصطلحات لاننا بقي لينا قاموس خاص وانا جبت منه الصفحه رقم 180 قطعتها يعني ههههههههههه سلام عليكم.

ههههههههههههههههههههههههههههههههههههههههههههههههههههههههههههههههههههه
ميمووووووووووووووو حبيبتي
اوك عليكي هههههههه

بالنسبة للضرب اللي انتي هاتضربيه:
مارفي هاتضربك ع اسرح هههههههههههههه
انا هاضربك ع سسسسسسسسسس بدل كابتن بيسوووووووو
نور هاتضربك ع نتسنكح
وانا ونور ومنة هانضربك ع حباااااااااااااااااال
حبال يا ميمووووو؟
حبااااال؟
اخص عليكي يا خائنة الصداقة
الصداقة امانة مش غدر وخيانة
هههههههههههههههههههههههههههههههه
الا قوليلي يابت مين الدكتورة اللي تعرفها دي ها؟
يا فضيحة
و سلااااااموووووووووز يا مووووووووووز

و سسسسسسسسسسسسسسسسسسسس

هههههههههههههههههههههههههههه
الدكتورة امل يوسف لما قولنالها فالرحلة فالوادي
هههههههههههههههه
يالا اي خناقه شردتكوا قبل ماامشي
سلميلي علي سسسسسسسسسسسسس
ههههههههههههههههههههههه
مالها الحبال بتنفع بننشر عليها
شكرا علي الجريده دي اللي كتبتيها
باي يا ايسوو سوري هنا اهلاوية

هههههههههههههههههههه

لا كمان ياميمو ده فى بلاوى

فكك

اتسحلت

سلاموووووووز بتاع الاهلاويه


لا حاجات كتيرة

تسلمى على التوبك

وسلاموووووووووووز
هههههههههههههه

موضوع حلو وفعلا فى حاجات تانى يا بيسو
وخليك فى كوزك لما نعوزك
و

شباب طحن اووووووووووووووووى
حلو المصطلحات ده ايه القاموس ده

هههههههههههههههههههههههههه
دكتورة امل؟ الله يكسفك
بس اوعي تكوني قولتيلها بالتفصيل الممل
ده انا (هاشنيرك) ههههههههه
بالنسبة ل سسسسسسسسسسس تعالي ياختي سلمي بنفسك
هههههههههههههههههه

وايه يابيسوووو سلاموز بتاع الاهلاوية دي
لا بقولك خليك ف برميلك لحد مانجيلك
خخخخخخخخخخخخخخ

هههههههههههههههههههههههههههههه
ايوة ايه ده فعلا يابيسو خليك فالبتاع اللي بيقولوه علية ده
هههههههههههههههههههه

كيتي شكرا ليكي انتي اجمل من الموضوع واللي فالصورة عندك كمان هههههههه

ههههههههههه
حلوة خليك في كوزك دي ياسنوسي
فعلا في كتير بس اانا جبت صفحه زي ماقولت

ميرسية ياكينج

ههههههههههههههههههههههه
عجبتك ياجيزاوي
ده التوبيك ده من بعض ما عندك الله

ههههههههههههههههههههههه
ميمو يا جامد
ده انتم قاموس متحرك فوظاااااااااع
ههههههههههههه
تسلمي ياقمر
مش عارفين نودى جمايلك فين والله

ههههههههههههههه
مصطلحات جامده جدا
تسلمى عليا يا ميمو
:hnmk: .

سلاموز ياموز
والله يخليكوا اللي يعرف مصدرها او معاناها يقول هيه شكلها مجرد كلمه شكلها حلو وتداولوها الشباب.

دي انا هقولك معناها
يعني سلام بالموز للناس الي احلي من الموز
بس بجد كل الكلمات دي جميله
سلام بقي علشان انا خارج اتسنكح

اية يا ميموووووووووووو الحاجات الجامدة دي دة انتي طلعتي قاموس ههههههههههههههه

ربنا يخليكي يافاوفاااااااااااااااااااااااااااااااااااااااااا
واضربولها نااااااااااااااااااااااااااااااااااااااااااااااااار
عودا محمود يافوفااااااا

انا بقى مش عارفه اقولك ايه
هى دى الصداقه وكمان كاتبه الصداقه امانه مش غدر وخيانه
وكمان قولتيلهم على حبال
انا بس لمل اشوفك دى الاجازه هى الى رحمتك منى
ههههههههههههههههه
والله لما اشوفك با ميمووووووووووووووو