أشهر جمل بيقولوها الأب و الأم في مصر

...*...*...*...* ...*...*...*...*...*...*...*...*...*...


ربنا يرزقك بعيل يوريك اللي ورتهوني .

جتها نيلة الى عايزة خلف تيجى تتفرج .

امشى جاتك مشش فى ركبك.

رحلة ايه ان شاء الله, على أيامنا ماكوناش بنتطلع زفت رحلات .

أوعا حد يضحك عليك ويقولك جرب السيجارة دي.

ايه الا مبالاه و الاستهتار اللي انت عايش فيهم دول .

قوم اقرا لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

بلاش أكل بره .

ياريتك تحفظ دروسك زى مانت حافظ الاغانى.

عيـــب ... لازم تحترم اللي أكبر منك .

لو شفت خناقه ما لكش دعوة بيها .

كريم دا عيل بايظ وماتمشيش معاه تاني .

مين منى دي انت كل يوم تصاحبي واحدة جديدة ؟.

انته مبتكلش جزر ليه .. اجيبلك برتقانه. طب كل سلطه .

يبني بأسلوبك ده مش هتعيش معاك واحده .

قومي ساعدي امك ده اللي هيتجوزك أمه داعية عليه.

اوعى حد غريب يديلك حاجه تاكلها و تشربها و تاخدها منه .

يا ابني حرام عليك الى بتعمله فينا ده.

انا سايبالكوا البيت وماشية ومش حتشوفوا وشي تاني .

ما تعليش صوتك .

وانت فاكر احنا مستنيين منك حاجه .

المسلسل مش هينفعك ...قوم .

متفتحش الباب لحد و انت لوحدك و متدلدلش راسك من شباك العربيه .

كفايه رغي في التليفونات .

كل على مهلك .. وامضغ كويس ... وما تكلش وانت واقف .. وكل من قدامك ما تحفش .

اطفي التلفزيون وقوم ذاكر ولا و خش اوضتك .

ربنا يهديك ربنا يهديك ... وأحيانا .. انك لا تهدي من أحببت .

صليت العصر ؟!

بلاش تمشى حافى البس شبشب وانته داخل الحمام .

ما فيش مذاكرة على المزيكا .. وازاى بتذاكر و البتاع ده شغال جنبك .

افرد ظهرك .

لم شراباتك.

ماتكلش فى ضوفرك.

كنت فين لحد دلوقتى يا صايع.

ماتتأخرش علشان عندك كلية بكرة بدرى.

انا مش عارف انته طالع لمين.

انا : ياماما بقه ايه ده ؟؟؟
ماما:مووو لمـا يــــــخدك .

ده منظر اودة بني آدم ، انت عايش فيها ازاي؟.

هو انا الخدامه الى ابوكم جبهلكم .

الى يطلع من الاوضه يطفى النور وراه .

أبوك عندك أهو اتصرف معاه .

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

البس فنله قطن تحت ودفي صدرك ودخل التيشرت في بنطلون البيجامه وانته نايم .

يأبنى المذاكره مابتخلص .... نفسى اشوفك مره ماسك كتاب.

اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .

احمد ربنا الاكل الى مش عجبك ده فى ناس مش لقينه .

*التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

قومي سخني الأكل لأخوكي.

ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )

ههههههههههههههههههههههه
حلوة بس متهيالي مكرر

لا مش كل اما اكتب موضوع يطلع مكرر انا لسة جديد فى المنتدى لازم اشوف كل الموضيع ولا اية

موضوع حلو بس فعلا هو مكرر بس مش مشكله بيس ياماااااااااااااااااااان

بيييييييييييييس يا مان زي ما قالت
بس يعني ايه بيييييييييييييس؟؟؟؟

انت عرفت منين ماما دايما بتقولى حاجات من دول ههههههههههههه
تسلم يازوباااااااااااااااااااااااج على مجهودك

ده مش زوباجا
صبااااااااااااااااااااااااااااح الخييييييييييييييير
اصحي

ههههههههههههههههههههههههه
هو انا لسه داخله المنتدى جديد فأول مره اشوفه
تسلم يا رامبو الموضوع حلو اوى
والصراحه فعلا هما بيقولوا كده
ههههههههههههههه

مرسيه ع الموضوع ومش يهمك انه مكرر عادى
مش فى مشكلة
بس انت كمل مشاركتك