بعد أما توافقي انك تقابليه تبدأ الاستعدادات المهولة لاستقبال عريس الغفلة
وطبعا ده يوم تاريخي في تاريخ البشرية
وطبعا اليوم باين من أوله
أول متفتحي عنيكي
لا اول متفتحي عنيكي ده إيه
أنتي مش تلحقي تصحي زي كل يوم
لان طبعا والدتك هتصحيكي من الساعة 8 عشان تستعدي
ده طبعا كلامها
تصحي طبعا مش واخده راحتك في النوم
وتبدي الطقوس
تحضير وتنظيف
الشقة
قال يعني هيا أصلا مش نضيفه
الام :روح ياواد هات دستتين جاتوه وكيلو باتون ساليه وشويه سيلي زون عشان عريس
أختك
وانت يابو العيال شوف هتلبس ايه
لا
البدله دي قدمت اوي خلينا في الكحلي احسن
وانتي يابت قومي اعمليلك كام ماسك
كده عشان وشك ينور ومتنسيش تستحمي
زي مايكون الواحده مبتستحماش غير لما بيبقي في عريس
طبعا بكل برود ولا هتعملي اي حاجه من اللي طلبته منك اصلا الموضوع ميستاهلش كل ده
وتفضل والدتك طول النهار تشخط
وتنطر
ياواد الجاتوه مش صابح
والباتون ساليه قليل كده ليه
انزل هات كيلو كمان
الساعه 3
الام : خشي بقي اجهزي :v bn:
البنت :اجهز ايه ياماما هما جايين الساعه 8 اجهز من دلوقتي
بعد نقاش طويل عريض ولائحة بالتوجيهات تدخلي اوضك وانتي بتلعني اليوم اللي فكر انه يتقدملك
تقفلي الباب
وتسمعي شويه أغاني
هاديه كده عشان التوتر اللي ماما عملته
الساعة 7
الأم تدخل الاوضه وتبدأ العاصفة
طاااخ طيخ طوخ
بومممممممم
انتي عايزه تموتيني
أنتي لسه ملبستيش
بعد محاولات مستميتة لإهدائها وإقناعها أن الموضع مش يستغرق اكتر من نص ساعة
تخرج الام وتبدئي تلبسي لبس بسيط
الساعه 8 وربع
ااه اول القصيده كفر
من اولها مواعيده خربانه
8 ونص الجرس ضرب
حاله هائلة من الحركة في البيت
الاخ يجي من البلكونه
جم يابابا
ماما تجري للاوضه جم يابو العيال تعال عشان تستقبلهم
طبعا تحاولي تبصي كده في الخباثه عليه من الباب
بس في كم هائل من البشر
جايين معاه وهو تايه في وسطهم
شويه وتيجي الام معاها صنيه
عليها حاجات غريبة الشكل واللون وأكيد الطعم
مش مهم بقي ماهما اللي هيشربو مش أنتي
طبعا هتقوليلها ايه يا ماما إحنا في
2009
الكلام ده كان زمان
تيجي بقي لحظه دخولك الصالون
كسوف
شديد لان الكل كان بيتكلم و أول ما دخلتي الكل سكت وبصلك
وفجاه هجم التتار
دي تشدك وتبوسك 122223 بوسه من كثرهم مش تعرفي تعدي
وتلافي نفسك مرمية في حضن دي ومن دي لدي
وفجأة
تسمعي صوت بيقول
سلم علي عروستك يافلان وتلاقي وشك في وشه
يتبع
