الموسم الثانى من كرسى الاعتراف

سوال واااحد بس

اناااا هجيب نكت تاااانى على الصاعيده
انتى ممكن تزعلى تاااانى ولا لأ
ويااا ريت بلاش زعل يعنى

demo كتب:: ميرو

لو حد زعلك وانتى كنتى بتحبيه اوى وماتوقعتيش منو كده هتتصرفى معاه ازاى؟
اكيد حعاتب الحد ده وحوصله انى زعلانه منه او من الموقف

ايه الحاجه الى ممكن تخليكى تنسحبى من المنتدى؟
بصى حقوللك ع حاجة اى مكان انا مش حاسه فيه ان الناس اللى فيه بتحترمنى وبتحبنى اكيد حنسحب منه سواء كان متدى بقى او لو كنت قعدة مع مجموعة مع الناس او محاضرة

ايه رايك فى الموقف بتاع ديدى مهزله ولو كنتى مكان البنت كنتى هتعملى ايه؟

طبعا منتهى قلة الذوق ده حتى الدكتور حسيت انه اتصدم والبنت محترمة جدا عشان مردتش عليه وشكلها كمان غلبان بس لو ده حصل معايا انا كنت سبت الدكتور يهزقه وبعد ما يهزقه حقوله بعد اذنك يا دكتور انا كنت عايزة اقول حاجه واكيد طبعا كنت حديه محاضرة فى الذوقيات والاخلاق

الترتيب الى رتبتيه فى اقسام اداب كان على اساس ايه الشغل متلا ولا الناس ولا ايه؟

لا ع اساس الشغل طبعا

ايه اكتر حاجه ممكن تخليكى تسيبى واحده صحبتك؟

امتى الولد ينزل من نظرك؟

اى ولد بعيش فى دور البنوتة بينزل من نظر كل الناس مش من نظرى انا بس يعنى يلبس سلسلة يطول شعره يلبس خاتم وكمان اللى معندوش احساس بالمسئوليه وعايش فى دور النغة اللى اهلة لازم يصرفوا عليه لغاية ما يموووت واللى بيرجع فى كلامه لا كتييير اوووى ديمو بس دى حاجات اساسيه

ايه رايك فى الحب؟

بصى اى حياة بين اتنين مفيهاش حب واحترام دى حتبقى جهنم مش حياة بس انا شايفة حب الايام دى مش حب بالمعنى المتعارف عليه يعنى الحب ده احترام بين طرفين و ود ورحمة ومسئوليه وتضحية
وحاجات حلوووة كتييير بس الحب دلوقتى مش معناه كده بقى مجرد تسلية يعنى ممكن الواد يكون بيتسلى والبنت كمان ممكن تكون بتتسلى ....

هو ايه السن المناسب علشان ممكن الولد والبنت يرتبطو فيه؟

البنت بعد التخرج يعنى ابتداء من 22والولد اول مايبقى عنده استعداد تحمل مسئوليه بيت مثلا25

لو ولد فى الجامعه قالك انو معجب فيكى وعايز يتعرف هتعملى ايه؟

انتى عارفه راى فى النقطة دى بس برده حجاوب والله لو بيحبنى بجد حيدخل من الباب مش من الشباك زى الحراميه وكمان حيحاول انه حتى ميبصش عليا عشان كلاااام الناس اما بقى لو جى يلعب حقوله العب بعيد يا بابا

لو روحتى البيت ولقيتى باباكى بيقولك فى عريس وهتشوفيه والجو ده ايه هيكون شعورك؟

اصل مش معنى شوفيه يعنى خلااااص يعنى الفرح بكره لالالا حدخل عاادى اشوفه ولو عجبنى كشخص حقول سبنى يا بابا افكر اعمل استخارة وكده لو معجبنيش اكيد طبعا حقول لالالا

عمرك ندمتى انك فى اجتماع؟

لا عمرى بجد ما ندمت ع اجتماع هو قسم جميل ممكن يكون مش مطلوب اوى بس كويس

كان نفسك تدخلى كليه ايه ؟

كنت حبا تجارة بس بعد كده قولت عسى ان تكرهوا شىءوهو خيرا لكم واكيد ربنا اخترلى الاحسن

كان نفسك دخلى قسم ايه لو ماكنتيش اجتماع؟

اكيد انجليزى وع فكره انا كان ممكن ادخل علم نفس بس يلا جت فى اجتماع

انتى كان مجموعك كام فى الثانويه العامه؟

81% طبعا كنت فى تانيه مجموعى ضعيف بس مش ضعيف اوى بس فى تالته جبت 87%وشويه
.

ماقلتيش رايك فى الاعضاء اوكى يلا قولى؟

حاضر حقول بس فى كلمة واحدة او جملة واحدة يعنى
باسم-بيعرف يمتص غضب اللى ادامه وذوق جدا

نوتى -رومانسى زيادة عن اللزوم

ديمووو-مش بتعرف تسكت ع الغلط حتى لو ده حيتسببلها فى مشاكل

اهلاويه -اهلاويه موووووت الله يكون فى عونك يا .....

ايسووووو-شخصية قوية وبنت ممتازة

انت منى -شخصية قيادية

روز -رومانسية شويه وممكن نقول عليها شيك طقم انهارده كان تحفا يا روز

ضياااا-بتحب الناس واجتماعية زيادة عن اللزوم

نودى -انسانة رقيقة وحساسة جدا

منه -عسولة وسكرة ولذيذة

ميموووو-طيبة وع نياتها

نور -ميه ميه يا معلم

دونت -بتاخد كل حاجة ع اعصابه

معلش دول اللى افتكرتهم

اااه وفيه كيتى ونوجا ومنورتى دول بقى .هههههههههه بيموووووت فى الضحك وشخصيات مرحة

دول اللى جم فى بالى لو نسيت حد فكرينى

ايه رايك فى المعاسكرات بتاع الجامعه؟

بصى انا عمرى ما جربت بس اكيد لو مع صحابى حتبقى جاااامدة جدا جدا حتى لو فى خيمة

هو احنا جيل فاشل زى ما بيقولو علينا وجيل مايعلم بيه الا ربنا؟

لا احنا مش جيل فاااشل بس يمكن احنا جينا فى زمن غلط شويه يعنى احنا دلوقتى فى زمن الفضائيات والنت والحاجات دى والحاجات دى سلبياتها اكتر من ايجابيتها وكمان نظام الثانوية العامة نظام غلط جدا وبحس انهم بيعجزونا عشان ايه معرفش .....بس عايزة اقول حاجة كل زمن فى الحلو والوحش

هو ايام زمان كانت احلى من دلوقتى زى مابيقلو ؟

ده ع اساس انى من ايام الملك خوفو ولا ايه يعنى ههههههههه معرفش والله يا ديمووو بس الناس زمان كان عندها صبر وقدرة تحمل اكتر من دلوقتى يعنى استحملوا كتييير اوووى ظلم الاستعمار والاستبداد بس ع فكرة غى حاجات مكنتش موجودة زمان وموجودة دلوقتى مثلا الرشوة والوسطة

بتحبى الافلام الابيض واسود ؟

اااه بحبها جدا وخاصة فى بيتنا رجل

اكتر نوع من الافلام بتحبيه الكوميدى الرومانسى الاكش ......؟

لا الكوميدى .الرومانسى .اكشن

انتى بتحبى الافلام العربى ولا الاجنبى ولا الهندى اكتر؟

والله النبى عربى وانا بحب العربى بس الاحنبى والهندى لو فيلم شدنى اوووى ممكن اتفرج غير كده لالالا

اقتراح تقترحيه دلوقتى على المدير علشان المنتدى يبقى افضل هتقولى ايه؟

لازم يبقى فيه مشرفين لكل قسم .اى رد فيه اهانه لحد من المنتدى اوبرا المنتدى يتمسح فورا ممكن كده يبقى موجه افضل موجه فى الدنيا

لو كنتى رئيس جامعه الفيوم اول حاجه هتعمليها ايه؟

حكلف كل امين اتحاد كليه انه يقرب من الطلاب ويشوف مطالبهم واعمل اجتماع ومن خلاله اعرف طلبات الطلبه

لو كنتى محافظ الفيوم؟

حهتم بالناس اكتر من كده يعنى اوفرلهم الامن فى الشارع وف بيوتهم

الشوارع تنضف شويه عن كده

ححاول اعمل مشاريع للشباب العاااطل

وحاجات كتيييير

لو كنتى رئيس للجمهوريه؟

اول حاجه حعملها تعين حكومة جديده من اختيار الشعب

حمنع الوسطة والمحسوبية واللى يتعب بس هو اللى حيوصل لفوق

تخصيص جزء من مزانية الدولة لبناء منازل لسكان العشوائيات

تخصيص برده جزء من المال للشباب الخرجين

انتخبات الرئسه انتى كنتى بترشحى مين ؟

لا مرشحتش حد عااادى يعنى

ايه رايك فى بلدنا يا ميرو وايه السلبيات الى لازم نصلحاه احنا ؟

احنا احسن من غيرنا والسلبيات كتيييره والله بس حنعمل ايه بلدنا ولازم نحبها يعنى فى قلة ضمير ورشااوى ومحسوبية وظلم والكبير بيدوس ع الصغير وكفايه كده

هو العيب عيب مين الطلابه ولا المدرسين فى التعليم الفاشل ده؟

لا هو العيب فى المدرسين بس برده العيب فى التلامذه عشان احنا دلوقتى بنفقد حتة الاحترام المتبادل بين المدرس والتلميذ حتى فى الجامعة

رايك فى الاخوان فى الجامعه والى حصلهم والضرب ؟

بصى انا مش ضد الاخوان لا بالعكس انا بس ضد العنف والتكسير والبلطجة بعنى اى حد فى الدنيا يعمل اللى عيزه بس فى حدود الادب والاحترام

انتى موفقه يكون فى امن داخل الحرم الجامعى؟

طبعا عشان فى ولاد بيحبوا يستهبلوا ويضيقوا البنات ودول مش بيحوا الا بالعين الحمرا ولازم من وجود امن

الجامعه فيها الناس الى تبع الاخوان والناس الى بتمشى تحب فى بعض دى والناس الى جاين يتعلمو وبس ومالهمش فى حاجه والناس الى جايه تهزر وتشوف صحابها والسلام والناس الى بتيجى تلعب كوره وتمشى هو احنا مين وهنروح فين وياترى الناس دى صح ولا غلط ؟

والله يا ديمووو صوابعك مش زى بعضها يعنى مش الكل رايح يتعلم وبرده مش الكل رايح يتسلة فى كده وكده

وقت فراغك بتعملى فيه ايه؟

بعمل كل الحاجات اللى بحبها يعنى ممكن اقعد ع المنتدى اسمع اغانى اقعد ف البلكونة وممكن ادخل المطبخ واقعد اخترع فى حاجات واكلات جديدة

ايجابيات وسلبيات النت فى نظرك؟

الايجابيات زيادة المعرفة ممكن تعرفى كل حاجة عن اى حاجة تخطر ع بالك قرب الناس من بعضها متابعة احداث اللى حواليكى اما السلبيات النت ملهوش رقيب كل واحد رقيبه ربنا بس السلب اللى فيه انه مفتوح اوووى زيادة عن اللزوم وفى ناس بتستعمله عشان يضروا نفسهم ويضروا غيرهم

الشات ولاد وبنات صح ولا غلط فى وجهة نظرك ؟

لا انا مش بحبه والله البنت اللى عايزه تشيت تشيت مع اصحابها وانا مش بحب اكلم حد انا معرفش لا شكلة ولا اى حاجة عن شخصيته لان الاغلب بيبقى كدابين وهجاسين

طيب هو ايه الفرق بين المنتدى والشاتنج؟

لا المنتدى ده بيبقى اغلب الاعضاء عرفا بعضها وفى مدير رقيب ع المنتدى

ايه هى الرياضة المفضله لميرو ؟

انا مفيش رياضة مفضلة بس انا بحب التنس وفى نفس الوفت معرفش ايه قوانين اللعبة معلش غباء بقى

طيب الهوايه؟

التعامل مع الناس ومساعدتهم هى دى هوايتى بالاضافة للمطبخ

كفايه كده المره دى سنعود بعد قليل

لا يا شيخة كفايه كده ده انا ايدى وجعتنى انا شكلى كده حعمل زى باااسم

naughty boy كتب:: سوال واااحد بس

اناااا هجيب نكت تاااانى على الصاعيده
انتى ممكن تزعلى تاااانى ولا لأ
ويااا ريت بلاش زعل يعنى

لا انا اصلا مزعلتش اولانى عشان ازعل تااانى ويعم جيب زى ماانت عايز مهما اللى اغبيا انت ذنبك ايه

اجابات حلوة بردو بس انتى كده مش هتردي تاني وانا عارف
علشان هتشيلي الحكومه دي لو كنتي رئيسة جمهورية
الله يرحمها بقي
هبقي اروح ازورها بعيييييييييش وحلاوة
سؤال تاني لو ولد زعلك من غير ما يقصد وبعدين اتاسف هتقبلي اسفه؟

مجروح وحزين كتب:: اجابات حلوة بردو بس انتى كده مش هتردي تاني وانا عارف
علشان هتشيلي الحكومه دي لو كنتي رئيسة جمهورية
الله يرحمها بقي
هبقي اروح ازورها بعيييييييييش وحلاوة
سؤال تاني لو ولد زعلك من غير ما يقصد وبعدين اتاسف هتقبلي اسفه؟

اى حد حيزعلنى وبعد كده يتأسف اكيد حقبل اسفة بس عايزة اقولك ع حاجة البنت المحترمة مش بتدى فرصة لولد يزعلها سواء كان بقصد او غير قصد

MiroooMooo كتب:

مجروح وحزين كتب:: اجابات حلوة بردو بس انتى كده مش هتردي تاني وانا عارف
علشان هتشيلي الحكومه دي لو كنتي رئيسة جمهورية
الله يرحمها بقي
هبقي اروح ازورها بعيييييييييش وحلاوة
سؤال تاني لو ولد زعلك من غير ما يقصد وبعدين اتاسف هتقبلي اسفه؟

اى حد حيزعلنى وبعد كده يتأسف اكيد حقبل اسفة بس عايزة اقولك ع حاجة البنت المحترمة مش بتدى فرصة لولد يزعلها سواء كان بقصد او غير قصد

اوكى يا ميرو بس انتى قلتى فى موقف ديدى مهزله ان البنت كانت محترمه وبردو هو اهانها وقدام الناس علشان هو قليل الذوق يعنى والله دلوقتى فى الزمن ده مش شرط ان البنت تكون محترمه علشان الولاد مش يضايقوها ف ولاد رخمين ومش عندهم ذوق

كلامك صح ديموووو

بس انا لو كنت مكانها مكنتش اديته فرصة يكمل وكنت قولتله لو سمحت الزم حدودك واقف عندك

انا نسيت اجاوب ع ده

ايه اكتر حاجه ممكن تخليكى تسيبى واحده صحبتك؟

لو خدعتنى لو خانت الامانه اللى هيا الاسرار يعنى لو راحت تتكلم عليا من ورا ضهرى وحش

لو حسيت انها مش خايفة عليا وع مصلحتى لو كدبت عليا فى حاجة لو حست ان صحبيتها بتخدنى

لطريق غلط ويعنى حاجات من دى

1- السؤال المعتاد ( اللي انا شخصيا زهقت منه ) مين حضرتك ؟ احكيلنا براحتك واحنا معاك .

2- بماذا تحلم وهل تحققت احد احلامك ؟

3- لو عندك ورده تهديها لمين ؟
وليك كلمه هي ايه ولمين ؟
وعتاب توجهه لمين ؟

4- اذا اتيحت لك فرصة مقابلة احد الشخصيات المشهوره من تفضل ولماذا ؟ وماذا ستقول له ؟

5- اذا وقعت في مشكله ما .من تحكم قلبك ام عقلك ؟

6- لو حبيبتك او اي شخص تاني عزيز عليك خانك او غدر بيك ردة فعلك هتبئا ايه ؟

7- مين اكتر شخصيه في المنتدى تحب تقابلها وتتعرف عليها اكتر ؟

8- اول ما بتدخل المنتدى اي قسم بتروحله الاول ؟

ها .. نتوكل على الله

ونقول بسم الله الرحمن الرحيم

بصى بقى يا ستى ولا سيدك الا انا طبعا

الاول عايزك كده تقوليلى كده ليه اختارتى اسم ( ميرو مو ) كأسم مستعار

هل الاسم وراه مغزى معين ؟

بعد كده بقى نقول شويه اسئله كده مؤقتا لحد ما افضى بقى خالص

1 - ( كان نفسى ) الكلمه دى كتير بنقولها بس فى حاجات بنندم انها محصلتش ياترى ايه معاكى اكتر حاجه خليتك تقولى الكلمه دى ؟

2 - قولتى قبل كده ان اقرب صاحبه ليكى خانتك او غدرت بيكى كان ايه تصرفك ؟

هل فقدتى الثقه فى كل الناس ؟ ولا اتعلمتى حاجه معينه من الموقف ده ؟

3 - عايزين نعرف ايه اكتر حاجه بتضايقك وتخنقك ؟

4 - اكتر حاجه نفسك تعمليها واكتر حاجه نفسك تتعلميها ؟

5 - (( الحب = ضعف )) ايه رأيك فى الكلام ده ... علل ؟

6 - التضحيه حب ولا شجاعه ؟

7 - المال .. السلطه . انهى الاحسن ؟

8 - ايه احساسك وانتي محرجه او حد احرجك احراج شديد ؟

9 - اي هو رد فعلك لو حد ضيقك بالكلام ؟

ارجو ان متكنش اسالتي ضيقتك
وفقنا الله واياكم الي خير الاعمال

اسالة حلوة والله يا جيزاوي تسلم Crying or Very sad

الموسم الثانى من كرسى الاعتراف - صفحة 5 955632

يعني انت شايف انها اترد عليها ما تصبر

الجيزاوي كتب:

ها .. نتوكل على الله

ونقول بسم الله الرحمن الرحيم

بصى بقى يا ستى ولا سيدك الا انا طبعا

لا مش فهما الحتة دى

الاول عايزك كده تقوليلى كده ليه اختارتى اسم ( ميرو مو ) كأسم مستعار

هل الاسم وراه مغزى معين ؟

لا ان اسم ميرو مو ليس وراءه اى مغزى الموضوع جه كده يعنى بالصدفه

بعد كده بقى نقول شويه اسئله كده مؤقتا لحد ما افضى بقى خالص

1 - ( كان نفسى ) الكلمه دى كتير بنقولها بس فى حاجات بنندم انها محصلتش ياترى ايه معاكى اكتر حاجه خليتك تقولى الكلمه دى ؟

والله الجملة دى انا بقولها بس فى مواقف تفها يعنى مثلا لو صحابى كلهم خرجوا وانا مش معاهم بقول كان نفسى بس فى وقت كده معين انا قولت فيه الجملة دى فى سنه اولى كليه قولت لنفسى كان نفسى اجيب اكتر من 81%عشان ادخل كلية احسن من كده

2 - قولتى قبل كده ان اقرب صاحبه ليكى خانتك او غدرت بيكى كان ايه تصرفك ؟

لا السؤال كان ايه اللى ممكن يخليكى تسيبى صحبتك وانا قولت الخيانه او الغدر وحاجات كده كتيييير بس انا اقرب صدقتين ليا الحمد الله يارب كويسين جدا وبيحبونى جدا وانا كمااان بحبهم اووووى

هل فقدتى الثقه فى كل الناس ؟ ولا اتعلمتى حاجه معينه من الموقف ده ؟

انا حاجاوب ع سؤال الثقة بس عامة يعنى الناس بقت غريبة جدا اليومين دول فعلا فى ناس حوليا انا بجد فقد الثقة فيهم من تصرفتهم يعنى تصرفتهم غير كلامهم وده بيخلنى افقد الثقة فى اللى ادامى

3 - عايزين نعرف ايه اكتر حاجه بتضايقك وتخنقك ؟

سوء الظن بيا ان الناس يعنى تفهمنى غلط.حد يروح يتكلم عليا كلام مش كويس من ورايا .انى اعامل حد كويس وهو ميعاملنيش كويس .ان حد يظلمنى .حد يجرحنى بكلامه ...وحاجات تنيا كتيييير

4 - اكتر حاجه نفسك تعمليها واكتر حاجه نفسك تتعلميها ؟

نفسى بجد اقلل شوية من حتتة التسرع والحمد الله بدأت فى كده والامور مشية والحمد الله

اما بقى نفسى اتعلم ايه اى حاجة كويسة انا مش بعرف اعملها عايزة اتعلمها يعنى مثلا الصبر

5 - (( الحب = ضعف )) ايه رأيك فى الكلام ده ... علل ؟

علل ده بمناسبة الامتحانات ده ولا ايه انا شيفا ان الحب لما يبقى حب بمعنى الكلمة عمره ما حيبقى ضعف بالعكس لو الواحد اختار الشخص الصح يبقى اكيد الشخص ده حيقويه مش حيضعفه وانا شايفة ان الضعف ده اصلا =استسلام اما الحب بقى=احترام

6 - التضحيه حب ولا شجاعه ؟

الاتنين مع بعض يعنى مدام حضحى يبقى اكيد عشان انا بحب الحد اللى ادامى عشان كده حضحى وعشان اضحى يبقى لازم انا ابقى شجاعة

7 - المال .. السلطه . انهى الاحسن ؟

والله الاتنين مش بيشغلونى والحمد الله بس عامة الفلوس بتجيب السلطة بيبقى الفلوس اهم

8 - ايه احساسك وانتي محرجه او حد احرجك احراج شديد ؟

ببلم واتنح وبقول فى نفسى يا ارض انشقى وابلعينى وبنسحب من الموقف بس الحمد الله نادرا لما بيحصل

9 - اي هو رد فعلك لو حد ضيقك بالكلام ؟

طبعا اكيد لو بنتكلم فى موضوع جد ومهم وحد ضيقنى بكلامه حضايق بس طبعا اكيد حبين انى ضيقت عشان متكررش تانى وممكن اسيب المكان بس بعد ما ارد كرامتى

ارجو ان متكنش اسالتي ضيقتك

لا عادى مضيقتش ولا حاجة

وفقنا الله واياكم الي خير الاعمال
امييييييييين

مرسي ليكي ياميرو

الجيزاوي كتب:: 1- السؤال المعتاد ( اللي انا شخصيا زهقت منه ) مين حضرتك ؟ احكيلنا براحتك واحنا معاك .

2- بماذا تحلم وهل تحققت احد احلامك ؟

3- لو عندك ورده تهديها لمين ؟
وليك كلمه هي ايه ولمين ؟
وعتاب توجهه لمين ؟

4- اذا اتيحت لك فرصة مقابلة احد الشخصيات المشهوره من تفضل ولماذا ؟ وماذا ستقول له ؟

5- اذا وقعت في مشكله ما .من تحكم قلبك ام عقلك ؟

6- لو حبيبتك او اي شخص تاني عزيز عليك خانك او غدر بيك ردة فعلك هتبئا ايه ؟

7- مين اكتر شخصيه في المنتدى تحب تقابلها وتتعرف عليها اكتر ؟

8- اول ما بتدخل المنتدى اي قسم بتروحله الاول ؟

انتى ليه مش رديتى على دول؟؟؟؟؟؟؟؟؟؟؟؟

لا يا ديمووو يا قلبى الاسئلة دى مش متوجها ليا انا

وانا الاسئلة الخاصة بيبا انا رديت عليه

مش عارفة بقى جيزاوى يقصد مين

ايوه ياميرو حضرتك مردتيش علي الاساله دي ليه ؟؟؟؟؟؟؟؟؟؟؟؟؟؟؟؟

اصلا انا لحظت انك بتتكلم بصيغة المذكر

بس ماعلينا يعنى حرد حاااضر

بس ايه يااااا جيزاوى انت كده بتكلم ولد مش بنت
؟؟؟؟؟؟؟؟؟؟؟؟؟؟؟؟؟؟؟

اعتبريها حضرتك بصيغه المؤنث
اوكي ياميرو ؟؟؟؟؟؟؟؟؟؟؟؟؟؟؟؟
وكمان في سؤال كنت عاوز حضرتك تردي عليه
ديمو سالتك عن رايك في الاعضاء في المنتدي
قولتي رايك في معظم الاعشاء ماعاد انا
ممكن تقولي رايك فيا

الجيزاوي كتب:

1- السؤال المعتاد ( اللي انا شخصيا زهقت منه ) مين حضرتك ؟ احكيلنا براحتك واحنا معاك .

انا السؤال ده اتسألى وانا جاوبت عليه وكانت ديموووو هى اللى سألته

2- بماذا تحلم وهل تحققت احد احلامك ؟

بحلم انى اول ما تخرج انشاء الله الاقى وظيفة كويسة بمرتب كويس اقدر من خلالها اثبت نفسى واحقق ذاتى عامة انا بحلم بمستقبل كبييير اوووى ااه الحمد الله فى حلم تحقق وهو انى ابقى انسانة محبوبة

3- لو عندك ورده تهديها لمين ؟

اكيد لماما دى بقى الانسانه الوحيدة اللى اهديها كل حاجة واولهم عمرى

وليك كلمه هي ايه ولمين ؟

خلى بالك من نفسك عشان هى اهم حاجة عندى وحقولها لمحمد اخويا

وعتاب توجهه لمين ؟

لنفسى عشان الفترة دى انا مقصرة فى واجبات كتييير لازم تتعمل

4- اذا اتيحت لك فرصة مقابلة احد الشخصيات المشهوره من تفضل ولماذا ؟ وماذا ستقول له ؟

حلووو السؤال ده اقوللك ممكن مثلا عمرو خالد عشان هو انسان بجد الراجل ده رائع جدا وحقوله

بارك الله فيك وع فكرة فى ناس تانيه كتيير غير عمرو خالد مثلا وائل الابراشى ومصطفى بكرى

5- اذا وقعت في مشكله ما .من تحكم قلبك ام عقلك ؟

لا طبعا اكيد عقلى عشان انا انسانة اصلا عقلانية بنسبة 75%

6- لو حبيبتك او اي شخص تاني عزيز عليك خانك او غدر بيك ردة فعلك هتبئا ايه ؟

طبعا اكيد الاول صدمة وبعد كده ابدأ اتكيف مع الموضوع وبعد كده النسيان ودى بجد نعمة

7- مين اكتر شخصيه في المنتدى تحب تقابلها وتتعرف عليها اكتر ؟

لا اغلب البنات هنا انا اعرفهم بس والله مفيش حد معين

8- اول ما بتدخل المنتدى اي قسم بتروحله الاول ؟

قسم المواضيع الجادة

جيزاوى انت شخصية مجتهدة وعملى ونشيط

وانا مكنتش اقصد انى مقولش رأى

[center]

في سؤاااااااااااااااال تاني ميرو

تاااااانى ايه هو السؤال؟؟؟؟؟؟

وكمان في سؤال كنت عاوز حضرتك تردي عليه
ديمو سالتك عن رايك في الاعضاء في المنتدي
قولتي رايك في معظم الاعشاء ماعاد انا
ممكن تقولي رايك فيا؟؟؟؟؟؟؟؟؟؟؟؟؟؟؟

ميرو
لو حستى انك فى يوم مش ميرو بتاع زمان هتغيرى من نفسك علشان ترجعى زى الاول ولا تحبى انك تكونى اتغيرتى؟

ايه الحاجه الى بتستهويكى وتحبى تقرى عنها دايما او تعرفى اخبارها؟

انتى ليه قلتى على الصعايده اغبياء؟

اكتر مكان بتحبيه فى الجامعه؟

لو خطيبك ان شاء الله جابلك هديه تحبى انها تكون ورد ولا دبدوب ولا دهب ؟

لو تقدم ليكى انسان كويس اوى وانتى ارتحتيلو جدا بس ولدك رفض ومن غير مبررات او اسباب هتتصرفى ازاى؟

هو شرط الى ترتبطى بيه يكون من الفيوم ولا عادى؟

بتحبى اكتر الفيوم ولا الاقصر؟

اكتر مكان رحتيه وقلتى عليه روعه واتمنيتى تعيشى فيه كل حياتك؟

متخيله فرحك شكله ازاى؟

مواصفات فتى احلامك الشكليه والمضمون؟

لو حد استعبط فى الكلام معاكى وعمل فيها ظريف هتمشى وتسبيه ولا هتزعقى ولا هتسكتى ولا ايه؟

هو لو راجل كبير فى السن ممكن عادى تهزرى وتضحكى وتقعدى معاه وكده ولا لا زيه زى الراجل الصغير؟

هو ايه رايك ف زواج البنت من ابن عمها او زواج الاقارب عموما ؟

اكتر شخصيه كرتونيه بتحبيها؟

لو اخدتى قرار واعلنتيه وبعدين ندمتى وكنتى عايزة تغيرى رايك هتقفى بكل شجاعه وقدام الناس بردو وتقولى انك رجعتى فى كلامى ولا هتستمرى على كلمتك وتتحملى العواقب فى سبيل ان كلمتك زى السيف؟

فى مين دلوقتى الى بيمشى البيت الراجل ولا مراته؟

لما الولد يشرب سجاير ينزل من نظرك ولا تعتبريها رجوله ولا عادى دى حاجه منتشره دلوقتى؟

هو انتى ممكن تتجوزى واحد بيشرب سجاير؟

لو حد غننى ومحترم ومركزه كويس اوى واتقدم ليكى بس اكبر منك بشويه كتير هتقبلى ولالا؟

عضو مرح
عضو رخم
عضو مثقف
عضو جاهل
عضو طيب
عضو شرير
عضو داخل مزاجك اوى
عضو مش طايقاه فى المنتدى اصلا
عضو مميز
عضو من غيره مش هيبقى المنتدى حاجه
عضو انتى فرحانه بوجوده
عضو رغاى
عضو داخل النتدى يستظرف

المنتدى فاد ميرو فى ايه وضرها فى ايه؟؟؟؟؟؟؟؟؟؟؟؟؟

ماقولتيش رايك فى جيزاوى ومحمد جمال واتحاد وفوكس وكيتى؟

» كرسى الاعتراف
» كرسى الاعتراف بحق وحقيق ....
» لعبه كرسى الاعتراف
» الاصفر موضة الموسم
» جزء الثانى من المقطوعات الموسيقيه