هلوسة اخر الليل

فكر كويس قبل ما تجاوب.الحكاية صدقني مش هزار.لو كانت مصر واحدة ست،زي ما بيوصفوها كلها في الاناشيد وموضوعات الانشاء وبعض الرسومات والتماثيل والافلام اللي كلها مش بالمناسبة كلام في الهجايص لزوم اكل العيش،ازاي في الحالة دي سيادتك كنت هتتعامل معاها؟ كجارة؟ كزميلة؟ كصديقة؟ ولا كواحدة معرفة من بعيد والسلام؟ كصاحبة الشغل اللي بتأمر وتنهي وتقدر الشر بره وبعيد ترفدك بجرة قلم،ولا كشحاتة كل ما تقرب منك تروح جازز علي سنانك وقايل لها باشمئناط:يحنن! أو مامعيش فكة؟السؤال جايز مايكونش من أساس جه علي بالك قبل كده.معلش !حصل خير. الدنيا تلاهي ادينا بندردش !ورانا ايه؟ ازاي كنت هتتصرف معاها سيادتك؟تسبلها يا هل تري وتسمعها في الرايحة والجاية اسطوانات من اللي قلبك يحبها،بالظبط زي ما هما بيعملوا دلوقت،وتتنهد وتسرح كل اما حد يجيب سيرتها؟ازاي سيادتك؟ تتمشي معاها علي الكورنيش وتعزمها علي درة مشوية وتين شوكي،ولا بالمرة تطلعوا القناطر وجنينة الاسماك؟ وتسقيها حاجة اصفرة وتاخد اعز ما تملك، وبعدين تخلع؟ تتخانق لو حد ضايقها في الشارع، وتاكل علقة ما حصلتش،وتتخرشم،وما يفضلش فيك حتة سليمة،وبرضه لو حد ضايقها تتخانق وتتخرشم تاني، وتبقي عايز تعيط لو عرفت انها بتتألم،ولا تعمل نفسك مش واخد بالك وتقول لصحابك علي القهوة تستاهل كل اللي يجرالها! المفروض ما تهوبش بره الباب.تتجوزها وتاخد فلوسها،وتنغص عليها العيشة اهانة وضرب، وتخليها كده زي البيت الوقف لغاية ما تبريك، ولا تقعد تحب فيها من طرف واحد، وهاتك يا جوابات غرامية مليانة سهوم وقلوب بتنقط دم،عمرك اصلا ما هتبعتها، تلك هي القضية علي رأي عمنا الخواجة وليم شكسبير .اي واحد من المهتمين بالسياسة حاليا مش ممكن يخرج عن الاطار ده مؤكد هتلاقيه بيتعامل معاها بطريقة من دول ، استعرضهم سيادتك بقي علي مهلك ولا تستثني نفسك . (منقول)

ياااااسووووووووو حبيبة قلبي
اخيرا يابنتي؟؟؟؟
حمدالله ع السلامة
هههههههههههههههههههه
انا بقي ياستي هاستثني نفسي سوووري
بس ممكن اتحاد هو اللي يرد ع موضوعك ده بجد
حد يقوله يدخل هنا ضروري ياجماعة
هههههههههههههه

ميرسي يا مون ع التوبيك

تسلميلي يا ايسو علي الرد واوعدك اني اجيب حاجات كويسة انا بس كنت بجرب
لكن حقيقي ياريت الاتحاد يرد عشان فعلا يهمني رأيه

طيب لو اتحاد مش رد ينفع انا الى ارد ؟!ّ!
بصراحه انا بحب مصر جدا
صحيح نا مش ولد بس لوكنت ولد
كنت حبتها جدا واتبهدلت عشان خطرها كل شوية

وتسلمي يا احلى منه
بجد التوبي
جمييييييييييييييييييييييييييييييييييييل

مرسي علي ردك يا جيزاوي بس ليه بتقول شكلكم بقي وحش في المنتدي؟؟
مش دي الحقيقة ولا ايه؟؟
بس كل اللي انا قولته بيحصل بجد( كله بس فكر كويس )
عموما مرسي علي المرور جدا