لكل بنت عايزة تكون أميره...اسرار

مبدئيا الكلام اللى هتكلمه عامى ومش من كتب ولا مراجع من الحياه اللى انا عايشها

قلت بقى اكتب موضوع لاخواتى وزمايلى البنات اكلمهم فيه بلسان ولد بيخاطبهم على انه اخوهم ميزه كلامى ان انا معرفش البنات اللى هنا لان احيانا الولد بيتكسف يشرح شويه حاجات لاخته اللى معاه فنفس البيت وده نابع من الحياء والحياء سر الطاعه وسر من اسرار حياه جميله وهادئه والحياء طبعا صفه من صفات الانسان المؤمن
انا مش هسترسل فالكلام بشكل مبتزل لاء هتكلم فالعادى خالص ويارب الموضوع يعجبكم

بصوا يابنات انا هتكلم من خلال المحيط اللى انا عايش فيه اللى هوه الجامعه
الجامعه نقطه تحول فحياتنا كلنا لانه عالم حقيقى بجد عالم بتحكمه قوانين النفس اللى اتربينا عليها 17 سنه فالبيت ..التربيه السليمه بقى بتبان جوة الانفتاح ده بيبان الانسان اللى كبر وعقل وعايز بقى يحقق شىء واللى عايز يتلهى فالتفاهات

بصوا يا بنات اظن كلنا بنشوف منظر متكرر فى الكليه ..بنشوف الولد ماشى مع البنت بتهزر معاه عادى خالص وكأن الموضوع ايه بتتحدى الناس وتقولهم ان هيه صاحب صاحبه مبدئيا تعالى نشوف رأى الولد فالبنت دى ايه ...لو اخترنا فئه متشدده هيقولوا دى سافله وحاجات من دى لو اخترنا فئه منفتحه يقولك بص اصل الحكايه واصل الحكايه متنفعش من النهايه يعنى لو اخدنا الفئه الوسط اللى بتمثل اغلبنا هيقولك هيه لذيذه بس انا لا يمكن ائتمنها على نفسى بمعنى مينفعش دى تبقى مراتى دى مقضياها ياعم الحاج..الشباب مش بيعجبه العجب ولا الصيام فشهر رجب..بيحب يشوف البنت بتهزر ودلوعه واول ما يلاقيها كدة ينفر منها ليه لان عنده الوازع الدينى ضعيف فبيسىء التقييم من الاول والنفس اللوامه عنده بتقوله ان البنت دى متنفعهوش..ما اهو اصل النفس امارة بالسوء وكمان لوامه لان لو النفس بطلت تلوم القلب هيبقى جثه بتتحرك ..قبر متحرك على الارض...

طيب نعمل ايه البنات بيعليهم فنظر الولد العفه البنت اللى لابسه لبس محترم عن اقتناع مش لابسه فوق حجاب وتحت جينز مينفعش الحاجات دى مفيهاش تجزئه وقطاعى لأما جمله لأما بلاش..الولد لما بيلاقى البنت لابسه لبس محترم بس طريقتها ملفته لانتباه بتلفته بحركاتها لكن سرعان ما بينساها..

طيب وايه كمان التواضع الولد يحب فالبنت التواضع زى ما هيه بتحب فيه التواضع
التواضع اللى فيه عزه للنفس مش قصدى تواضع الكبر انك تقول لا والله ده انا حتى مقصر عشان الناس تقولك ازاى ده انت مفيش زيك لاء ده مينفعش..التواضع فالمشيه فالمعامله فالكلمه

الناس بتعشق فالبنت الابتسام البنت اللى بتبقى مبتسمه سبحان اللى بيبقى وشها منور بالايمان وبالبسمه بتعمل سحر تدخل اى قلب بسرعه
طب والبنت اللى فاتحه بؤها على البحرى دى الشباب بيوصفها بأسوأ الالفاظ على فكره بس انا مش هقدر اقولكم الفاظ خارجه

البنت قلبها طيب وحنين زياده عن اللزوم واحيانا ممكن تحب ولد ويطلع الولد ده مش ابن حلال وبقت كتير اوى واعتقد اننا نقدر نميز ابن الحلال من ابن ال.... مش حلال
وفالاخر يسبها ويكسر قلبها وده حرام طبعا عليه وعلى نفسها

البنات للاسف كثير منهم تلاقيها بتهتم بأستايل الواد يبقى مسلوع كدة ولابس ضيق وكمان يكون معاه جيتار وبيعرف يرقص فاصحاب العقول بيستصغروها لان هيه من فئه مش بتاعتنا فلازم تدى اهتمامها فالكلام لانسان المحترم عشان الانسان المحترم هوه اللى ممكن فيوم من الايام يقدر جمالها وطيبتها وحنيتها

البنات اللى بتعمل فصول فبعض بتخلى الولد يستحقرهم الاتنين وخصوصا اللى بتعمل مظلومه الولد بيسمعلها وياعينى وياحبيبتى وفاالاخر يقول دى بنت مش عارف ايه

انا مش هطول عليكم لكن استنونى مره كمان فموضوع تانى


اخوكم بسكويته

يمكن عندك حق فعلا ده اللى بيحصل كتتتير اوى وفى الجامعه الا من رحم ربى
بس انا عايزة اتكلم فى حكاايه ان البنت ممكن تكلم زميلها فى الكليه دى
ااااه هوا فى شرروط فى كلامه معاها واااكيد كلنا عارفنها
بس بتباان اووى البنت اللى مش كوويسه وشاايفه نفسها وبتلفت نظر الشباب ليها والخ
والبنت اللى كوويسه وبتتكلم بكل احترااام وكلام للضرورة مش على الفاضى والملياااااان
الموضوع فعلا مهم وخططير جداا
وياما بنشوووووف فى الكلليه
ميرسى ليك

بسكوته الموضوع ده بيبقى وجهه نظر
وبتختلف من شاب لشاب

لكن هو فعلا احيانا بيبقى الموضوع اوفر شويه
وزايد عن حده
لكن انا عايزك فى مواضيعك
مش تجمع معظم البنات ياريت تقول معظمهم
بس

انت مستقصدنى ليه يا باسم
انا والله مش بتكل على الكل انا بتكلم لقئه من البنات وثانيا
مش عيب لو اى حد اتوجهلو الموضوع ده
لان انا بتكلم بصفه اخ بيكلم اخته يعنى بنصح
مش بتهم
ويا ريت يكون كلامى دخل دماغك
وبعدين انا لما تعمقت فى اعماق المنتدى حسيت ان المنتدى ده لذيذ
بس ناقصه حاجه وهيه الجرائه فى المواضيع
قولى هنقضل لحد امت نتكسف ونحط ايدينا على خدنا

صح والله عندك حق
اوقاات مابنرضا شنواجه اللى قدامنا او نقول على حااجه لاحظناها عشان نازعلووش

وشهد شاهد من اهلها

بس مش عااارفه انا عن نفسسى مش اى حد ممكن اقوله واواجهه وخصوصا على منتدى مش عارفه ليه
تفتكروا ليييه بجد

عشان انتى متعفيش صفات اللى بتكلميه ايه

السلام عليكم اولا الموضوع حلو جدااااااا بس انت فيه جاى علىالبنات قوى هو فعلا فى بنا كده وكده بس برده فى الكويسه والمفروض بردواااااا ان الولاد يحترموااااااااااااا نفسهم شويه ويلمواا الدور احنا مش فى مجتمع اروبى جاهل يعنى وقبل مايعملواااا اى حاجه او حتى يفكروااا يقولواااااااااااااا حاجه لازم يفتكروااا ربنا ويفتكرواااا كلامه لان ممكن لو عنده اخت او بنت فى المستقبل او حتى قريبته ممكن يتردلواااااا فيها يعنى لو هو حط كل الاعتبارات دى فى دماغه وخاف من ربنا وعقابه اعتقد مافيش بنت هايتقال عنها كلام وحش ولا ولد حتى هايقدر يعمل حاجه ويقول حاجه وحشه عن اى بنت ومش معنى كده ان البنت مالهاش دور فى اللى بيحصل لاء هى اساس الموضوع اصلا مش كل بنت دخلت الجامعه تشوف حالها وتفتكر انها اخدت حريتها لاء المفروض برده هى كمان تخاف من ربنا وعقابه لان الحريه مش انك تقفى مع ولد وتعملى نفسك جوليت وهو يتغر وياخد مقلب ف روحه ويقتكر حاله روميو
عموما انا مش عايزه اطول بس الموضوع بجد حلو وبيلمس مشكله حقيقيه منتشره اليوميين دول والمنظر السئ والمتكرر اللى بنشوفه اليوميين دول هو ان احنا ممكن نلاقى اتنيين قاعديين مع بعض بالساعات وعادى يعنى كل حاجه مابينهم عادى بتهايقلى مافيش مشكله فى اى حاجه وياسلام بقى لو البنت اللى قاعده دى لاحظت انك بتبصى ومستغربه اللى هى بتعمله تقوم هابه فيكى ببجاحه وتقولك فى حاجه عايزه حاجه وانتى تبقى مش مصدقه انها بترد كمان
وشكلى كده طول ياله بقى الموضوع ده لو الواحد اتكلم من هنا لبكره مش هايخلص والسلام عليكم ورحمه الله واتمنى اشوف موضوعاتك الحلوه دى تانى وتكون قضيه شبابيه واخلاقيه ودينيه برده

اااه ممكن

بسكوتة يا جامد
بس عاوز اسالك سؤال انت مش خايف لحسن
:l,/l:
تشوف الكلام ده
ههههههههههههههههههههههههه
يا نصاب

توبك هايل بجد يا بسكوته
وانا مع كيتي في كل اللي قالته لانه فعلا صح جدا

هايل يا حلمت بيك التوبك ده بس عاوز اقلك من الاخر
لو انسانه او ولد متربي تربيه صح ورميناه وسط النار هيطلع منها سليم الرك في التربيه والاهم من كل ده اننا مش ننسا الدين بتاعنا ونبعد عنه عشان هوا اللي هينور لينا طريقنا


كل اللي بيتكلم بيقول بسكوته ممكن اعرف مين هوا ؟

:gv:
هههههههههههههههههههههههههههههههه
شكرا لكل اللى مر من الموضوع وكتب تعليق
اما بخصوص العضو او العضوه stop
احسنلك متعرفش بسكوته هوه على العموم انا
بس انا اسمى احمد او زيزو

اتشرفنا حضرتك وعلي العموم
انا اعرف نفسي برضه




انا الكلمه اللي الناس بتقولها ومش عارفه معناها
توقف

علي فكرة ولله العظيم انا عنيا دمعت لما قريت الموضوع دة
ومش عــــــــــــــــــــــارفة لية


بس بجد واضح ان الكلام طااااااااااااااالع اووووووي من القلب
وانت مخلص في كل كلمة في الموضوع دة
جزاك لله كل خير
موضوع بجد رائع
واسلوبك حلووووو كمان في الكتابة