قصة حب للعبره

موضوع: قصة حب للعبره الجمعة أكتوبر 08, 2010 3:02 pm

دي قصة قراتها وعجبتنيى اووووووى

لانها بجد شخصية قد ايه جميلة ومحترمة

فليها منى كل التقدير والاحترام

وبدعيلها بجد ان ربنا يثبتها ويكرمها اوووووووووى

قصة حبى وهى فعلا بداية التزامى....قبل ما ابدء القصة اللى نفسى تكون عظة وعبرة لناس كتير اتمنى ان اشهد الله وملائكته والناس اجمعين انى احبه واشهد انه لا اله الا هو الحى القيوم بديع السماوات والارض مدبر الامر مفصل الايات العليم الحكيم
البداية كنت فتاة بعرف هذه الايام (فتاة عااااااادية) لبسى عادى (بديهات وجيب) تقصير فى الصلاة كتييييييير اهمال لاذكار الصباح والمساء..وحياة كلها بتصدم فى الناس.......بس كان جوايا حاجات كويسة احمد الله عليها
فى وقت قررت فيه ابعد عن الحب وعذابه قابلت شخص كان بالنسبة لى مصدر ذهول بسبب تصرفاتى معاه....احساس غريب....اتعودت عليه بسرعة جدااااااااا.. بدءت اعجب بيه......وجوايا صرااااااااااااااخ ان ده مش وقته انا مش عايزة احب ولا ادخل فى قصص حب
اعترف لى بحبه وبدءنا مراحل الحب سوا.......معاه هو بس حياتى اتغيرت.....معاه هو بس حسيت باللاستقرار
بدءت الحكاية وكل اللى معانا فى الجامعة قالوا اننا هنسيب بعض وكنت بحس ان فى حاجة بتخلينى اكمل......حلمت مرتين انى بسيبه عشان اروح جهاد فى سبيل الله وبودعه بدموع وهو مش فاهم انا مالى
كنت بقول اكيد الحلم ده عشان انا نفسى اموت شهيدة
عدت سنة بسرعة واحنا مع بعض كان نفسه انى البس اسدال وكنت بقول له ماينفعش البس اسدال وامشى معاك.....وكنت بوعد ربنا اننا لو بعدنا هلبس الاسدال
وشاء ربنا انى اخذت كتاب (مستنية ايه) وقراءته وكانت اول كلمة فيه والكاتب بيتكلم عن قصص الحب كلمة........بتحبيه؟؟؟؟؟؟؟طيب ترضى انك تبقى انت سبب غضب ربنا عليه؟؟؟؟؟الكلمة دى اثرت فيا جداااااااااا
لانى كنت دايما بقول له ان اللى هتحبه بجد هتخاف عليه من اخرته قبل دنيته.....وفعلا كنت بخاف انه يعمل حاجة غلط ربنا يعاقبه بيها
خليته يقرا معى الكتاب وكنا وصلنا لدرجة اننا مولعين ببعض وبنحب بعض جداااااااااااااااااااااااااومتعلقين ببعض قووووووووووووى
لما قرء الكتاب سكتنا وقررنا نبعد عن بعض ومايكنش بينا الا رنة واحدة كل يوم الفجر عشان نصحى بعض .....مع العلم انى كنت فى اخر سنة وهو نزل سنة عنى وكنا مرتبين انه هيتقدم لى ان شاء الله مش قبل سنتين وكانت والدتى عارفة وكان اهله عارفين
بعدنا .......تعبنا.......اتكسرنا واتحطمنا يوم ما بعدنا8/4/2010
لبست الاسدال13/4/2010
لبست الاسدال وقررت اغير حياتى واقرب من ربنا
رحت لربنا عبدة شايلة هموم العالم وذنوبها دمرتها وحزنها كسرها
واختارت تبعد عن احب قلب ليها فى الدنيا ابتغاء مرضات الله وحده
عشنا ايم صعبة ...فى البداية الكل عجبه تصرفى....بعد شوية قالوا ليه بعدتوا انتوا مش كنتم بتعملوا حاجة غلط
بعد شوية بدءنا نتهاجم......بعد شوية لما بان علينا التعب اكتر وصعبنا عالناس قالوا لازم ترجعوا لبعض مش هتقدروا تكملووا كده وهتموتوا
بعد شوية بدء يحتاج لى وهو كمان هاجمنى وسبحان الله كل الناس قالت انى مش هقدر استمر وسبحان العليم القدير وحده انه ثبتنى وقوانى ......قربت من ربنا وعشت على 5 قاعد سمعتهم من الشيخ حازم شومان فى درس الثقة بالله ....1/كن لله كما يريد يكن لك فوق ما تريد.....................................2/من ترك شيئا لله عوضه الله من جنسه ما هو خيرا منه وانك لن تجد فقد شيئا تركته لله
.........................................3/من جعل الله هو همه كفاه الله هم كل شئ.................................4/وعسى ان تكرهوا شيئا وهو خيرا لكم.......................................5/كن بما فى يد الله اوثق مما فى يدك
فى الوقت ده اتغيرت حياتى كلها وامنت فعلا بقول الله(لا يغير الله ما بقوم حتى يغيروا ما بانفسهم)
ولما لقيت ربنا مثبتنى امنت بقوله(من يهد الله فهو المهتدى)
حبيت ربنا وقوانى ربنا وعشت مع الله ولله فقط كنت احيا
خلصنا امتحانات وكان فى صعاااااااااااااااااااااااااااب كتير بس كان عندى يقين بالله

حسيت ان ربنا اختبرنى كتير وهو وحده وبفضله اللى عدانى منها
مش عايزة اطول عليكم
الحمد لله الذى بفضله وحده تتم الصالحات
ربنا يسر امور كتير جدااااااااااااااااااااا
واتخطبنا يوم30/7/2010
بعد ما كنا فاكرين اننا ادامنا مش اقل من سنتين
وكل الناس ماصدقوش والحمدلله هذا تأويل رؤيايا من قبل قد جعلها ربى حقا
انى فعلا بعدت عنه عشان اجاهد نفسى
نفسى كل الناس تمشى على القواعد دى وصدقونى من ترك شيئا لله عوضه الله
يارب يجعل الموضوع ده فى ميزان حسناتنا واسفة للاطالة
اللهم قد بلغت اللهم فاشهد.......فستذكرون ما اقول لكم وافوض امرى الى الله
انى احبكم فى الله
صدقونى الحب فى الحلال احلى كتيييييييييييييييير
ربنا يرزقنا جميعا الاخلاص فى حبه وصلى اللهم على نبينا محمد وعلى اله وصحبه وسلم

منقوووووووووووووووووووووول

ربنا يكرمكم وان شاء الله تتجوزو طبعا اللي في الموضوع الاساسي

بس كل بني ادم في الدنيا ليه ظروفه الخاصه
وفي اخواننا في الدين المسيحين برضه عايشين وبيحبو وعندهم وفاء لبعض فظيع
وفعلا الكلام بتاعك صح بس انا ضد ان واحد يشوف حد جمبه عمل حاجه وارتاح واستريح يقلدها هو بغبائه
الانسانه اللي في الموضوع بمرة بتجارب وتعبت لحد ما وصلت للحل الصح
مجيش انا اخد الحل الصح علي طول لازم اتعب وافكر واضايق هيا دي الحياه علي الاقل عشان اكون خبره مكتسبه من الحياه مش عشان اخد تفكير وتصرفات الناس وخلاص ومتكونش ليا شخصيه و
وشكرا علي الموضوع بجد رائع

i can't stop

العبرة من القصه ان الحب الحلال احلى بكتيرررررر من الحب الحرام وان من ترك شئ فى سبيل الله عوضه الله خيرا منه
وهى لما اتزمت ربنا اكرمها وعوضها بس
شكرا لمرورك ونوت الموضوع